Янгиликлар
23
Turaq jay emes kóshpes múlkti basqa shaxsqa ótkeriw boyınsha kompozit mámleketlik xızmet engizildi.
Turaq jay emes kóshpes múlkti basqa shaxsqa ótkeriw boyınsha kompozit mámleketlik xızmet engizildi.
Ózbekstan Respublikası Ministrler Kabinetiniń 2024-jıl 29-noyabrdegi "Turaq jay emes kóshpes múlkti basqa shaxsqa ótkeriw menen baylanıslı shártnamalardı rásmiylestiriw hám oǵan bolǵan huqıqlardı mámleketlik dizimnen ótkeriw boyınsha kompozit mámleketlik xızmet kórsetiwdiń hákimshilik reglamentin tastıyıqlaw haqqında"ǵı qararı tastıyıqlandı.
Qarar menen yuridikalıq shaxslar arasında turaq jay emes kóshpes múlkti basqa shaxsqa ótkeriw, bul boyınsha dúzilgen shártnamalardı rásmiylestiriw hám huqıqlardı mámleketlik dizimnen ótkeriw boyınsha xızmetler Mámleketlik xızmetler orayları arqalı kompozit tárizde kórsetiledi.
Yuridikalıq táreplerdiń basshıları yamasa olardıń wákilleri mámleketlik xızmetten paydalanıw ushın orayǵa jeke ózi barǵan halda múrájat etedi.
Arza beriwshiler orayǵa tómendegi maǵlıwmatlar hám hújjetlerdi usınadı:
turaq jay emes kóshpes múlk obektiniń kadastr nomeri, mánzili, atı;
yuridikalıq shaxstıń tolıq atı, INN, pochta mánzili, telefon nomeri, esap beti, bank atı, bank kodi MFO;
yuridikalıq shaxstıń basshısı (wákili) F.I.Sh., JShShIR;
yuridikalıq shaxs wákillikli basqarıw organınıń turaq emes bolǵan kóshpes múlkti satıw haqqındaǵı qararı (bayanlaması);
yuridikalıq shaxs wákiline berilgen isenim xat - yuridikalıq shaxs wákili múrájat etken bolsa.
Bunda yuridikalıq shaxslardıń wákilleri usı shólkemde tiykarǵı jumıs ornında islep atırǵan bolıwı kerek.
Mámleketlik xızmetten paydalanıw ushın shártnamada qatnasıwshı tárepler bir waqıttıń ózinde orayda bolıwı talap etiledi.
Arza beriwshilerdiń shaxsın tastıyıqlawshı hújjetleri talap qılınbaǵan halda olar Face-ID sistemasi arqalı identifikaciya qılınadı.
Oray tárepinen yuridikalıq táreplerdiń wákilleri jumıs ornı boyınsha usı shólkemde jumıs alıp barıwı haqqındaǵı maǵlıwmatlar "Birden-bir milliy miynet sisteması"nan hám turaq jay emes kóshpes múlkti basqa shaxsqa ótkeriwge sheklew yamasa xatlaw joq ekenligi haqqındaǵı maǵlıwmatlardı "Notarius" avtomatlastırılǵan sistemasınan tekserip alınadı.
Shártnama rásmiylestirilgeni ushın bazalıq esaplaw muǵdarınıń 2 esesi muǵdarında jıyım óndiriledi.
Shártnama rásmiylestirilgennen soń kóshpes múlkke bolǵan huqıqlardı mámleketlik dizimnen ótkeriw ushın shártnama menen birge QR-kod qoyılǵan turaq jay emes kóshpes múlkti tapsırıw hám qabıl etiw akti avtomatikalıq tárizde qáliplestirilip dizimnen ótkeriwshi uyımǵa jiberiledi.
Kóshpes múlkke bolǵan huqıqlar Ózbekstan Respublikasınıń "Kóshpes múlkke bolǵan huqıqlardı mámleketlik dizimnen ótkeriw haqqında"ǵı nızamı hám Ministrler Kabinetiniń 2020-jıl 2-sentyabrdegi "Kadastr tarawında ayırım mámleketlik xızmetlerdi kórsetiwdiń hákimshilik reglamentlerin tastıyıqlaw haqqında"ǵı qararında belgilengen tártipte mámleketlik dizimnen ótkeriledi.
Nókis qalası ádillik bólimi
Mámleketlik xızmetler orayı bas qánigesi D.Bekbulieva