Янгиликлар
20
Mayıplıq pensiyaları óz aldına múrájat talap etpesten proaktiv túrde tayınlanadı
"Mayıplıq pensiyaları hám kompensaciyaların tayınlawda proaktiv xızmetlerdi engiziw haqqında"ģı Prezident qararı (PQ-194-sanlı, 27.05.2025 j.) qabıl etildi:
Qararģa kóre, 2025-jıl 1-iyuldan puqaralarģa mámleket pensiyaları hám kompensaciyalardı tayınlawdıń tómendegi ápiwayılastırılģan tártibi engiziledi:
puqaralarģa I yamasa II topar mayıplıģı belgilengende pensiyalardı ayrıqsha múrájat talap etpesten proaktiv túrde tayınlanadı. Bunda puqaraģa proaktiv túrde tayınlanģan pensiyalardı biykarlaw huqıqı beriledi;
Kóriw qábileti boyınsha I topar mayıplıģı bolģan shaxslarģa hám yadro poligonları hám basqa da radiaciya-yadro obektlerinde áskeriy xızmetti ótegen shaxslarģa kompensaciyalardı elektron maģlıwmatlar almasıwı tiykarında proaktiv túrde tayınlaw;
mayıplıq pensiyası tayınlanģanınan soń keminde 1 jıl jumıs stajına iye bolģanda puqaranıń pensiya muģdarın hár 2 jılda proaktiv túrde qayta esaplaw.
2025-jıl 1-oktyabrden mámleketlik pensiya támiynatına baylanıslı hám de AK "Xalıq banki" tárepinen pensiyalardı naq pul formasında tólew menen baylanıslı xızmetler puqaralardı biometrikalıq identifikaciyalaw (Face-ID) hám de olardıń qoltańbasın elektron formada alıw arqalı ámelge asırıladı.
Nókis rayonı ádillik bólimi
Mámleketlik xızmetler orayı
bólim baslıģı A.Patshaxanov