Янгиликлар
16
Konstitutsiyada sud hákimiyatı
Konstitutsiyada sud hákimiyatı
Búgingi kúde jámiyette júzege kelip atırǵan barlıq qatnasıqlar, tiykarǵı nızamımız bolǵan Konstitutsiya, nızamlar hám nızam astı normativ huqıqıy hújjetlerge tiykar tártipke salınadı. Usı qatarda sud tarawındaǵı iskerlik hám konstitutsiyalıq norma menen belgilengen dúzilme tiykarında hámde wákillilkler sheńberinde is alıp baradı.
Jańa redaktsiyada qabıl etilgen Ózbekstan Respublikası Konstitutsiyasınıń XXIII babı sud hákimiyatına baǵishlanǵan bolıp, onıń 130-statyasına kóre ádil sudlaw tek sud tárepinen ámelge asırılıwı, Ózbekstan Respublikasında sud hakimiyatı nızam shıǵarıwshı hám orınlawshı hákimiyattan, sıyasıy partıyalardan, puxaralıq jámiyetiniń basqa institutlarınan ǵarezsiz túrde is júritiwi belgilengen.
Usıǵan tiykar, búgingi kúnde sudlar tárepinen belgilengen iskerlik jolǵa qoyılǵan. Sonday-aq, mámleketimizde barlıq tarawda reformalar ámelge asırılıp atırǵanlıǵı sıyaqlı, sud sistemasında hám kóplegen reformalar jolǵa qoyılǵan.
Atap aytqanda, jınayat prostessinde sudqa shekemgi basqıshta ámelge asırılıwı belgilengen protses nızamlılıqtı támiynlew hám sud bahlawın ornatıw maqsetinde tergew suyalarınıń ámeliyatı jolǵa qoyıldı. Bunnan kózlengen tiykarǵı maqset bolsa, jınayat isin qozǵap, jınayat boyınsha tiyisli dálillerdi toplap sudqa usınıwǵa shekemgi basqıshta, yaǵnıy, tintiw ótkeriw, telefon arqalı sóylesiwlerdi tıńlaw hám qamaqqa alıw sıyaqlı is ilajlardı kóriwde jınayat protsessual normalar hám basqada insan huqıqlarınıń qorǵalıwı ústinen bahlawdı jolǵa qoyıwdan ibarat
Qaraózek rayonı Adillik
bólimi baslıǵı A.Iskenderov