Янгиликлар
16
Insan huqıqların qorǵaw tarawında islengen jumıslar
Insan huqıqların qorǵaw tarawında islengen jumıslar
Ózbekstan Respublikası Prezidentiniń 2018-jıl 13-apreldegi PQ-3666-sanlı Qararı menen tastıyıqlanģan “Ózbekstan Respublıkası Ádillik ministrligi haqqında”ģı Reje hám Ózbekstan Respublikası Prezidentiniń 24.05.2025-jılǵı PP-80 sanlı Pármanına tiykar, búgingi kúnde úyme-úy júriw arqalı xalıqtıń huqıqıy mashqalaların anıqlaw hám olardı sheshiw boyınsha ádillik organları tárepinen kóplegen jumıslar ámelge aırılmaqta.
Atap aytqanda, Qaraózek tayonı ádillik bólimi tárepinen usı jıl dawamında insan huqıqların qorǵaw tarawında tómendegi islengen jumıslardı keltirip ótiwimiz múmkin.
Miynet nızamshılıǵına ámel eilmegenligi nátiyjesinde xızmetkerlerge tolıq tólep berilmegen is haqıları óndirip berildi. Yaǵnıy, rayonlıq meditsina birlespesi hám mámleketlik toǵay xojalıǵınada islewshi jámi 60tan artıq xızmetkerleriniń kóp jıllıq miynet stajları ushın is haqısına qosımsha tóleniwi belgilengen jámi 400 mlnǵa jaqın ústeme pulları bir neshe jıllardan beri tólenbesten kelgenligi anıqlanıp, bul boyınsha puqaralıq isleri boyınsha Shımbay rayonlararalıq sudına dawa arza kiritilip, nátiyjede xızmetkerlerdiń is haqısına ústeme pulları óndirip berildi.
Puqaralardıń, tuwısqanlarınıń marxum guwalıǵı óz waqtında rásmiylestirilmegenligi nátiyjesinde mashqalalar júzege kelip atırǵanlıǵı sebepli, Puqaralıq Protsessual Kodeksiniń 295-statyasına tiykar, sud arqalı yuridikalıq axmiyetke iye bolǵan faktti belgilew arqalı 6 puqaranıń arzası qanaatlantırıldı.
Uy-jay hújjetlerin rásmiylestiriw boyınsha puqaralardan kelip atırǵan arzalardı úyreniw nátiyjesinde, kóshpes múlikke bolǵan huqıqtı mámleketlik dizimnen ótkeriw boyınsha mashqalalardıń júzege kelgenligi anıqlanıp, bul tarawda 6 puqaranıń mashqalası unamlı sheshildi. Sonday-aq, óz basımshalıq penen qurılǵan dep tabılǵan imaratlar boyınsha HJhK 60-statyasııń úshinshi bólimine tiykar qollanılılǵan bazalıq esaplaw muǵdarınıń 200 esesi muǵdarındaǵı jariyma jazası hámde basqa jaǵdaylarda nızamsız qollanılǵan jariyma jazaları boyınsha huqıqıy másláhátler beriw arqalı jınayat isleri boyınsha sudına arza jazılıp, jariymalar biykar etilmekte.
Sonday-aq, biypul huqıqıy másláhát beriw arqalı bir nesh puqaralardıń awırı jeńil bolmaqta, puqaralar ortasındaǵı dawlar yakı mámleketlik uyımları hám puqara ortasındaǵı konstitutsiyalıq huqıqlar boyınsha dawlı jaǵdaylarǵa sheshim tabıw boyınsha biypul huqıqıy másláhátler berilmekte.
Is bilermenlik subektleriniń huqıqların qorǵaw boyınsha, jeke tártipte isbilermenlik penen shuǵıllanıwshı úy baǵshalarınıń elektr energiysınan paydalanǵanlıǵı ushın esap kitap jumıslarındaǵı huqıqtı qollaw protsessinde nızamsız ámeliyat jolǵa qoyılǵanlıǵı anıqlanıp, artıqsha óndirilgen pullar is bilermenlik subektleriniń esap betlerine qaytarıp berildi.
Qaraózek rayonı Adillik
bólimi baslıǵı A.Iskenderov