Янгиликлар
13
Diplom dublikatın beriw boyınsha mámleketlik xızmetler kórsetiw tártibi
Diplom dublikatın beriw boyınsha mámleketlik xızmetler kórsetiw tártibi
Ózbekstan Respublikası Ministrler Kabinetiniń 2022-jıl 21-iyul kuni “Joqarı, orta arnawlı hám professional tálim tuwrısındaǵı hújjetlerdiń dublikatın beriw boyınsha mámleketlik xizmetler kórsetiwdiń hákimshilik reglamentın tastıyıqlaw haqqında”gi 395-sanlı qararı menen Joqarı, orta arnawlı hám professional tálim tuwrısındaǵı hújjetlerdiń dublikatın beriw boyınsha mámleketlik xizmetler kórsetiwdiń hákimshilik reglamenti tastıyıqlandı.
Reglamentke kóre, tálim shólkemin tamamlaǵan, maǵlıwmatın tastıyıqlaytuǵın hújjeti (diplom, sertifikat ) joǵalǵan yamasa jaramsız halǵa kelgen, famılıyası, atı, ákesiniń atı ózgergende fizikalıq shaxslar hújjettiń dublikatin alıw ushın mámleketlik xizmetler orayları yamasa BIMXP arqalı murajat etedi.
Arza beriwshi Mámleketlik xizmetler oraylarına kelip murajat etkende Mámleketlik xizmetler orayı qániygesi arza beriwshi atınan sorawnamanı toltıradı.
Joqarı, orta arnawlı, kásip-óner hám professional tálim alǵanlıq tuwrısında mámleket úlgisindegi rásmiy hújjetler hám de onıń dublikati birdey yuridikalıq kúshke iye boladı..
Mámleket xızmeti kórsetilgeni ushın bazalıq esaplaw muǵdarınıń bir esesi muǵdarında jıyım óndiriledi hám jıyım tólengenligi informacion-kommunikaciya sistemaları arqalı tastıyıqlanadi.
Bunda mámleket xızmetinen paydalanıw ushın BIMXP arqalı murajat etilgende, tólew summasınıń 90 payızı muǵdarındaǵı tolem óndiriledi.
Wákllikli uyım sorawnama kelip túsken waqıttan baslap on jumıs kúni dawamında tiyisli tálim mákemeleri hám de Kasiplik tálimdi rawajlandırıw hám muwapıqlastırıw aymaqlıq basqarmaları tárepinen tastıyıqlanǵan hújjetler tiykarında joqarı, orta arnawlı hám professional tálim tuwrısındaǵı hújjet dublikatın óz qolı hám móri menen rásmiylestiredi hám de bul haqqında arza beriwshini informacion-kommunikaciya sisteması arqalı xabardar etedi.
Arza beriwshi tálim tuwrısındaǵı hújjet dublikatin wakillikli uyımnan alıp ketedi.
Arza beriwshiniń qálewine kóre, tálim tuwrısındaǵı hújjet dublikatı wakillikli uyim tárepinen pochta xızmeti arqalı jiberiliwi múmkin.
Bunda wákillikli uyım mámleket xızmeti nátiyjesi tayın bolǵanlıǵı haqqında “Ózbekstan pochtasi” AJni elektron sistema arqalı xabardar etkennen keyin “Ózbekstan pochtasi” AJ tálim tuwrısındaǵı hújjet dublikatın wákillikli uyım adresinen arza beriwshiniń adresine bes jumıs kúni dawamında jetkezip beredi.
Pochta baylanısı arqalı jetkizilgen mámleketlik xizmetleriniń nátiyjesi ushın ámelge asırilatuǵın tólewler arza beriwshi tárepinen qaplanadı.
Xızmet kórsetiw múddeti 15 jumıs kúninen ibarat.
Joqarı, orta arnawlı hám professional tálim tuwrısındaǵı hújjetler boyınsha maǵlıwmatlardı arxivten alıw zárúrshiligi júzege kelgen jaǵdaylarda mámleket arxivlerı bes jumıs kúni dawamında belgilengen tártipte arxiv hújjetleri tuwrısındaǵı maǵlıwmatlardı wakillikli uyimǵa biypul usınıs etedi.
Bunda tálim tuwrısındaǵı hújjetti beriw múddetine qosımsha túrde taǵı bes jumıs kúni qosıladı.
Dublikat beriw boyınsha tıyanaqlı arxiv hújjetleri bolmaǵan táǵdirde, wákllikli uyım tiyisli hújjetti beriwden bas tartadi.
Arza beriwshiler mámleketlik xizmetlerinen paydalanıwda onı kórsetiwdiń hár qanday basqıshında bas tartıw huqıqına iye. Arza beriwshiler mámleketlik xizmetlerinen paydalanıwdan bas tartqanda, onıń sorawnaması kórmesten qaldıriladi. Bunda tólengen jıyım summası qaytarılmaydı.
Nókis qalası ádillik bólimi
Mámleketlik xızmetler orayı jetekshi qánigesi Sh.Mambetsapaev