Янгиликлар
13
Densawlıqtı saqlaw sistemasın shólkemlestiriwdiń jańa modeli engiziledi
Densawlıqtı saqlaw sistemasın shólkemlestiriwdiń jańa modeli engiziledi
Ózbekstan Respublikası Prezidentiniń 2025-jıl 19-may kúngi “Respublikada densawlıqtı saqlaw sistemasın hám xalıqqa medicinalıq xızmet kórsetiw principlerin jetilistiriw arqalı tarawdı reformalawdı izbe-iz dawam ettiriw ilajları haqqında”ǵı PP-88-sanlı Pármanı qabıl etildi.
Usı Párman menen xalıqqa birlemshi medicina-sanitariyalıq járdem kórsetiwdiń jańa sistemasın engiziwdiń tiykarǵı maqsetleri etip tómendegiler belgilendi, atap aytqanda:
xalıqaralıq tájiriybege tiykarlanǵan xalıqqa birlemshi medicina-sanitariyalıq járdem kórsetiwdiń jańa modelin engiziw;
xalıqqa medicinalıq járdem kórsetiwde shańaraqlıq shıpakerdiń úlesin 70 procentke jetkeriw;
densawlıqtı saqlaw sistemasın sanlastırıw hám medicinada qaǵazpazlıqtı azaytıw arqalı medicina xızmetkerleriniń jumıs júklemesin 30 procentke shekem azaytıw;
xalıqtıń birlemshi medicinalıq-sanitariya járdeminen razılıq dárejesin 85 payızdan asırıw;
medicina xızmetkerlerin nátiyjeliktiń (samaradorlikning) eń áhmiyetli kórsetkishleri tiykarında materiallıq xoshametlew sistemasın engiziw;
medicina brigadaları xızmetkerleriniń bilim hám kónlikpelerin asırıw.
Usı Pármanǵa tiykarlanıp, 2025-jıl 1-iyulden baslap usı Pármanda belgilengen rayon (qala)larda, 2026-jıl 1-yanvardan Samarqand wálayatınıń barlıq rayon (qala)larında tájiriybe-sınaq túrinde densawlıqtı saqlaw sistemasın shólkemlestiriwdiń jańa modeli (tájiriybe-sınaq joybarı) engiziledi.
Tájiriybe-sınaq joybarı sheńberinde rayon (qala)lıq medicina birlespeleri negizinde rayon (qala)lıq densawlıqtı saqlaw bólimleri shólkemlestiriledi.
Sonday-aq, Pármanǵa kóre tájiriybe-sınaq joybarı sheńberinde birlemshi medicina-sanitariyalıq járdem mákemeleri medicina xızmetkerleriniń bazalıq tarif stavkalarına tómendegi muǵdarlarda qosımsha ústemeler tólenedi:
kóshpeli medicinalıq xızmet kórsetiwshi medicina xızmetkerlerine aylıq lawazım aylıǵı yamasa bazalıq tarif stavkasınıń 50 procenti muǵdarında;
medicina brigadasına belgilengen normalardan 10 procent artıqsha qosımsha biriktirilgen xalıqtıń hár biri ushın miynetke haqı tólew eń az muǵdarınıń 0,3 procenti muǵdarında - qalalarda, 0,5 procenti muǵdarında - rayonlarda;
shańaraq salamatlıǵı boyınsha arnawlı oqıw baǵdarlaması tiykarında shólkemlestiriletuǵın kurslardıń barlıq basqıshların tabıslı tamamlaǵan medicina xızmetkerleri ushın sertifikatqa muwapıq bazalıq tarif stavkasınıń 100 procenti muǵdarında.
Tájiriybe-sınaq joybarı sheńberinde rayon (qala)lıq oraylıq emlewxanalarda shıpakerlerdiń aylıq lawazım miynet haqıları - 20 procent, orta medicina xızmetkerleriniń aylıq lawazım miynet haqıları - 10 procent muǵdarında asırıladı.
Tájiriybe-sınaq joybarı sheńberinde shańaraqlıq poliklinikalar hám rayon (qala) oraylıq emlewxanalarınıń medicina hám farmacevtika xızmetkerleri ushın jumıs nátiyjeliligi kórsetkishleri (KPI) tiykarında aylıq lawazım aylıǵınıń 100 procentine shekemgi muǵdarda ústeme engiziledi.
Nókis qalası ádillik bólimi
bas másláhátshisi A.Nurabullayev