Янгиликлар
13
Mámlekettiń rásmiy hám qısqartılǵan atamasın firma atamalarına kiritiw boyınsha hákimshilik reglamenti tastıyıqlandı
Sońǵı jıllarda isbilermenlik subektlerine qolaylı imkaniyatlar jaratıw, isbilermenlik iskerligin baslawda byurokratiyalıq tosqınlıqlardı biykar etiw arqalı isbilermenlik iskerligin júritiwdi ańsatlastırıw baǵdarında sistemalı reformalar ámelge asırıldı.
Ózbekstan Respublikası Ministrler Kabinetiniń 06.02.2025-jıldaǵı "Firma atamaların beriw hám olardan paydalanıw tártiplerin jáne de jetilistiriwdiń qosımsha ilajları haqqında" 65-sanlı qararı qabıllandı.
Qarar menen «Mámlekettiń rásmiy hám qısqartılǵan atamasın firma atamalarına kiritiw boyınsha mámleketlik xızmet kórsetiwdiń hákimshilik reglamenti" tastıyıqlandı.
Reglamentke tiykar: mámlekettiń ataması beriletuǵın yuridikalıq shaxslar bular: Ózbekstan Respublikası Nızamlarına, Oliy Majlis palatalarınıń qararlarına, Ózbekstan Respublikası Prezidenti hám Ministrler Kabinetiniń qararlarına muwapıq shólkemlestiriletuǵın yuridikalıq shaxslar, mámleketlik organlar hám shólkemler tárepinen shólkemlestiriletuǵın mámleketlik mákemeler, ustav fondında (ustav kapitalında) mámleket úlesi 50 %ten artıq bolǵan xojalıq jámiyetleri, respublikalıq áhmiyetke iye bolǵan yuridikalıq shaxslar birlespeleri, respublika hám jergilikli atqarıwshı hákimiyat organları, xojalıq birlespeleriniń Ózbekstan Respublikası Ádillik ministrligine berilgen múrájatları tiykarında shet el investiciyalar qatnasıwındaǵı kárxanalarǵa beriledi. Atama alıw ushın arza beriwshi ózi kelip múrájat etken jaǵdayda mámleketlik xızmetler orayı múrájattı avtomatlastırılgan sistema arqalı wákillikli organǵa yaǵnıy, tiyisliligi boyınsha Qaraqalpaqstan Respublikası Ádillik ministrligi, wálayatlar hám Tashkent qalası ádillik basqarmalarına jiberedi.
Mámleketlik xızmeti kórsetilgenligi ushın bazalıq esaplaw muǵdarınıń eliw payızı muǵdarında jıyım óndiriledi, bul jıyım Ózbekstan Respublikası Nızamlarına, Oliy Majlis palatalarınıń qararlarına, Ózbekstan Respublikası Prezidenti hám Ministrler Kabinetiniń qararlarına muwapıq shólkemlestiriletuǵın yuridikalıq shaxslar, mámleketlik organları hám shólkemleri tárepinen shólkemlestiriletuǵın mámleketlik mákemelerine qarata óndirilmeydi.
Wákillikli organ eki jumıs kúni dawamında sorawnamanı kórip shıǵadı hám de kórip shıǵıw nátiyjeleri boyınsha buyırtpa etilgen firma atamasın bánt etedi yamasa bánt qılıwdı biykarlaydı.
Arza beriwshi on kún múddette tólewdi ámelge asırıwı kerek, tólewdi ámelge asırmaǵanda wákillikli organ buyırtpa etilgen firma atamasın bánt etiliwin biykar etedi. Arza beriwshi tańlaǵan firma ataması sistemada 60 kún dawamında bántlenedi hám bul múddet ótkennen soń firma ataması avtomat tárzde biykar etiledi. Usı atamanı qayta bántlew ushın jıyım tólemesten múrájat etiw huqıqına iye boladı.
Qońırat rayonı ádillik bólimi
Mámleketlik xızmetler orayı
jetekshi qánigesi Sh.Baltabaeva