Янгиликлар
13
Qanaatlanǵan múrájatlar boyınsha
Xojeli rayon ádillik bólimine rayonlıq mektepke shekemgi hám mektep bilimlendiriw bóliminde islewshi xızmetkerlerdiń miynet dem alısına shıqqan waqtında den sawlıģın tiklew maqsetinde beriletuģın materiallıq járdem pulları berilmegenliginen narazı bolıp jazģan arzası kelip tústı.
Bólim tárepinen úyrenilgende rayon mektepke shekemgi hám mektep bilimlendiriw bóliminde islewshi 54 xızmetkerlerdiń jámi 134 078 191 sum muģdarındaģı materiallıq járdem pulları berilmegenligi anıqlandı.
Ózbekstan Respublikası Miynet kodeksiniń 281-statyanıń birinshi bóliminde názerde tutılģan “Kepillikli qosımsha tólewlerden tısqarı is beriwshi xızmetkerlerge usı Kodekste, nızamshılıqta, jámáát kelisimlerinde, jámáátlik shártnamasında, sonıń menen birge is beriwshi tárepinen kásiplik awqamı komiteti menen kelisilgen halda qabıl etiletuģın ishki hújjetlerde, miynet shártnamalarında belgilengen basqa kepillikli qosımsha tólemlerdi ámelge asırıwı shárt” dep kórsetilgen.
Sonday-aq, Ózbekstan Respublikası Miynet kodeksiniń 25-statyasında jumıs beriwshi xızmetkerlerge beriliwi kerek bolģan miynet haqısı bul Kodekske, jámáát shártnamasına, ishki miynet tártibi qaģıydalarına, basqa ishki hújjetlerge, miynet shártnamalarına muwapıq belgilengen múddetlerde tolıq kólemde tóleniwi kórsetilgen. Biraqta, is beriwshi tárepinen bul tólemler ámelge asırılmastan kelgen.
Nátiyjede Xojeli rayonı ádillik bólimi tárepinen rayonlıq mektepke shekemgi hám mektep bilimlendiriw bóliminde islewshi 54 xızmetkerdiń mápin gózlep tóleniwi lazım bolģan jámi 134 078 191 sum muģdarındaģı materiallıq járdem pulların óndiriw boyınsha Puqaralıq isleri boyınsha Nókis rayonlar aralıq sudına dawa arza kiritilip, óndirip berildi.
Xojeli rayonı ádillik bólimi
bas máslahatshısı B.Otepov