Янгиликлар
13
Kreditorlardıń girew menen támiyinlengen talapların qanaatlandırıw sisteması jáne de jetilistiriledi
2025-jılı 22-aprelde "Kreditorlardıń girew menen támiyinlengen talapların qanaatlandırıw sisteması jáne de jetilistiriliwi múnásibeti menen Ózbekstan Respublikasınıń ayırım nızam hújjetlerine ózgerisler hám qosımshalar kirgiziw haqqında"ǵı Nızam qabıl etildi.
Nızam menen ayırım nızam hújjetlerine ózgerisler hám qosımshalar kirgizildi.
Bul nızam menen Puqaralıq Kodeksi, Ózbekstan Respublikasınıń Salıq Kodeksi, "Girew haqqında"ǵı, "Ipoteka haqqında"ǵı, "Sud hújjetleri hám basqa da uyımlardıń hújjetlerin orınlaw haqqında"ǵı nızamlarǵa ózgerisler hám qosımshalar kirgizildi.
Nızam hújjetlerine kirgizilgen qosımshalarǵa bola, girew menen támiyinlengen minnetlemeniń buzılıwı tómendegi shártler bir waqıttıń ózinde bar bolǵan jaǵdayda júdá arzımaǵan dep esaplanadı:
▪️eger girew menen támiyinlengen, qarızdar tárepinen qaplanbaǵan bolsa minnetlemeniń summası girew bahasınıń 15 procentinen azdı qurasa;
▪️eger girew menen támiyinlengen minnetleme orınlanıwınıń keshigiwi izbe-iz 3 aydan aspaǵan bolsa.
Sonday-aq, girew predmeti bolǵan múlk girew beriwshiden jınayat yamasa basqa da huqıqbuzarlıq islegeni ushın nızamda belgilengen tártipte alıp qoyılǵanda, girewge alıwshıda óz talapların usı múlk esabınan ústin túrde qanaatlandırıw huqıqı saqlanıp qalatuǵını kórsetip ótildi.
Bunnan tısqarı, kreditti múddetinen aldın sud tártibinde óndiriwde, eger shártnamada basqasha tártip názerde tutılmaǵan bolsa, kreditor dáslep qarızdıń belgilengen múddette qaytarılmaǵan bólegin óndiriw ushın sudqa múrájat etedi.
Bunda eger qarız alıwshı múddeti ótken qarızdı tolıq tólemegen jaǵdayda, kreditor kredittiń qalǵan barlıq summasın múddetinen aldın qaytarıw haqqındaǵı talap penen sudqa múrájat etiwge haqılı.
Qaraózek rayonı ádillik bólimi
Mámleketlik xızmetler orayı
bas qánigesi S.Bauırbekova