Янгиликлар
13
Mámleketlik xızmetler kórsetiw salasındaǵı jańalıqlar.
Xalqqa mámleketlik xızmetlerin qolay hám ańsat kórsetiw kólemin asırıw hám puqaralardıń mákememe-mákeme áwere bolıp júriwiniń aldın alıw maqsetinde Ministrler Kábinetiniń «Ózbekstan Respublikası húkimetiniń ayırım qararlarına ózgerisler hám qosımshalar kirgiziw haqqında» ǵı 2024-jıl 18-dekabrdegi 847-sanlı qararı qabıllandı. Usı qarar menen 5 túrdegi mámleket xızmetlerin proaktiv tárzde kórsetiw jolǵa qoyılmaqta.
Proaktiv mámleket xizmeti delingende fizikalıq hám yuridikalıq shaxslardıń murajáátlarisiz wákillikli organlar baslaması menen kórsetiletuǵın mámleket xızmetleri túsiniledi.
Bul qarar menen elektr energiyasın, tabiiy gazdı, ishimlik suwın, issı suwdı esapqa alıw úskenelerin dáwirli salıstırıwlawdan ótkeriw hám jeke bántlik agentliklerin Jeke bántlik agentlikleriniń reyestrine kirgiziw xizmetlerin proaktiv tárzde kórsetiliwi belgilendi.
Sonday-aq, 6 túrdegi kóshpes mulkge bolǵan huqıqtı mámleket diziminen ótkeriw hám bul mánzilge turaqlı jasaw ornı boyınsha dizimge qoyıw, kóshpes múlk ijara yamasa tegin paydalanıw shártnamaların mámleket salıq xızmeti organlarında esapqa qoyıw hám bul mánzilge waqtınsha turǵan ornı boyınsha dizimge qoyıw, mámleketge tiyisli imarat yamasa qurılmalardı bir jıldan kem bolmaǵan múddetke ijaraǵa beriw hám kóshpes múlkke bolǵan huqıqtı mámleket diziminen ótkeriw, E-auksion elektron sawda platformasında kóshpes múlk obyektlerin satıw hám kóshpes mulkke bolǵan huqıqlardı mámleket diziminen ótkeriw, medicinalıq iskerlik ushın licenziya menen birge rentgen úskenesinen paydalanıw ushın ruxsatnama alıw, qáwipli júklerdi tasıw ushın sıyımlılıqlardıń jaramlılıǵı haqqında juwmaq menen birge yadrolıq hám radioaktiv materiallar, radiaciya dárekleri, radioaktiv shıǵındılar hám qurılmalardı tasıw shártleri hám usıllarınıń sanitariya qaǵıydalarına muwapıqlıǵı haqqında juwmaq alıw boyınsha mámleket xızmetlerin kompozit tárzde kórsetiw jolǵa qoyılmaqta.
Kompozit mámleketlik xızmeti bul fizikalıq hám yuridikalıq shaxslardıń bir murajááti tiykarında wakillikli organlar tárepinen kórsetiletuǵın eki hám onnan artıq mámleket xızmetleri kompleksi bolıp tabıladı.
Qaraózek rayonı ádillik bólimi
bas másláhátshisi III-dárejeli yurist Sh.Erlepesov