Янгиликлар
12
“Avtomobil' tariyxı” haqqında maǵlıwmatnama alıw tártibi
“Avtomobil' tariyxı” haqqında maǵlıwmatnama alıw tártibi
Húkimet qararı (106-san, 09.03.2022 j.) menen “Avtomobil' tariyxı” maǵlıwmatların usınıw boyınsha mámleketlik xızmetin kórsetiwdiń hákimshilik reglamentı tastıyıqlandi.
Qararǵa tiykar, 2022-jıl 1-maydan:
“Avtomobil' tariyxı” maǵlıwmatların shártnamalıq tiykarda MXO, BBIMXP (my.gov.uz) yamasa veb-saytlar hám olardıń qosımshaları arqalı anıqlaw boyınsha mámleketlik xızmeti jolǵa qóyıldı ;
avtotransporttı texnikalıq kórikten ótkeriw processinde avtotransporttıń basıp ótken aralıǵı haqqındaǵı maǵlıwmatlar, atap aytqanda, texnikalıq kórikten ótkeriwshi isbilermenler tárepinen de májburiy tártipte málimleme sistemasına kiritiledi.
“Avtomobil' tariyxı” maǵlıwmatları tómendegilerdi óz ishine aladı :
avtotransportning agregat maǵlıwmatları ;
basib ótken aralıǵı ;
shártnama dúzilgenligi boyınsha tiyisli maǵlıwmatlar (isenim xatı, ijára, sawǵa );
jol-transport hádiysesi ámelge asırılǵanlıǵı;
jol qaǵıydaların buzǵanlıq jaǵdayı ;
girewge qoyılǵanlıq jaǵdayı ;
sheklew bar ekenligi yamasa joq ekenligi;
bajıxana rásmiylestiriwge tiyisli maǵlıwmat ;
litsenziya alınǵanlıq jaǵdayı (jolawshı tasıw ushın ).
Mámleketlik xızmetinen paydalanıw ushın sorawnama toltırıladı (MXO, BBIMXP, veb-sayt yamasa qosımsha arqalı).
Mámleketlik xızmeti ushın BEMnıń 10 payızı (27 mıń swm) muǵdarında jıyım óndiriledi.
Maǵlıwmatlar real waqıt rejiminde tayarlanadı hám arza beriwshiǵe usınıs etiledi.
Málimleme shaxsqa tiyisli maǵlıwmatlar jarıya etilmegen halda beriledi (avtotransport iyesi tárepinen óz “Avtomobil' tariyxı”ni biliw ushın jibergen sorawnamalar bunnan tısqarı ).
Málimleme maǵlıwmatnama ózgeshelikine iye bolıp, keleshekte rásmiy háreketlerdi ámelge asırıw ushın tiykar bolmaydı.
Arza beriwshiler Ózbekstanda dizimnen ótken qálegen avtomobil' haqqında maǵlıwmat alıwı múmkin.
Nókis qalası ádillik bólimi
Mámleket xızmetler orayı bólim baslıǵı K.Ospanova