Янгиликлар
22
Nızamshılıqtaģı jańalıqlar
Nızamshılıqtaģı jańalıqlar
Ózbekstan Respublikası Prezidentiniń 2025-jıl 11-mart kúngi “Turaq jay hám imarat-obyektlerdi ıssılıq energiyası menen támiyinlew tarawın túpten reformalaw hám imaratlardıń energiya nátiyjeliligin arttırıw ilajları haqqında”ģı 100-sanlı qararı qabıl etildi.
Qararģa kóre, turaq jay hám imarat-obyektlerdi ıssılıq energiyası menen támiyinlew hám de imaratlardıń energiya nátiyjeliligin asırıwdıń kelesi 5 jıldaģı baģdarları etip tómendegiler belgilendi, atap aytqanda, tarawda birden-bir mámleketlik siyasattı júrgiziw, aldıńģı sırt el tájriybeleri tiykarında strategiyalıq usınıslardı islep shıģıw, ıssılıq támiynatı kárxanalarınıń jumısın basqarıwshı hám muwapıqlastırıwshı shólkem dúziw;
Oraylasqan ıssılıq támiynatına jalģanbaģan tort hám onnan joqarı qabatlı kóp kvartiralı turaq jaylardıń ısıtıw sistemasında lokal qazanxanalar hám basqa da alternativ texnologiyalardı engiziw esabınan bir kvartiranıń gazge bolģan talabın keminde 20 payızģa azaytıw.
Tómendegi ilajlar ámelge asırıladı, atap aytqanda, oraylasqan ıssılıq sistemalarındaģı gónergen 103 qazanxana hám 1,6 mıń kilometr ıssılıq tarmaģı jańalandı. Sonday-aq, mámleketlik-jeke menshik sheriklik tiykarında 9 xalıq aralıq finans institutlarınıń qatnasıwında 13 qala hám rayonda modernizaciya joybarları ámelge asırıladı. Bunnan tısqarı, oraylasqan ıssılıq támiynatı qamtıp alıwı 37 payızdan 58 payızģa shekem jetkeriledi, sistemadaģı joģaltıwlar 38 payızdan 20 payızģa shekem qısqartırıladı.
Xojeli rayonı ádillik bólimi
Yuridikalıq xızmet kórsetiw orayı baslıģı G.Faxratdinova