Янгиликлар
22
Diniy ekstremizm hám terrorizmge qarsı gúresiw- tiykarǵı wazıypalarımızdan biri
Diniy ekstremizm hám terrorizmge qarsı gúresiw- tiykarǵı wazıypalarımızdan biri
Búgingi kúnge kelip, usı qáwip sonshelli dárejede keń kólemde hám hár túrli kórinisler menen sáwlelenbekte, kóbinese adamlar oǵan itibarsız bolıp kelmekte. Basqasha qılıp aytqanda, «diniy ekstremizm» hám «xalıqaralıq terrorizm» degen túsinikler ómirlik waqıyalıqtıń ajıralmas bólimindey qabıl etilmekte.
Nege bunday bolıp atır degen soraw tuwıladı. Sebebi – 19-asirdiń aqırlarında taxt iyeleri hám mámleket siyasatına qarsı qurallı hújimler formasında payda bolǵan siyasıy terrorrizmdi búgin hár qádemde usharatıw múmkin.
Zamanagóy terrorizmniń 2 ayrıqsha qáwipli belgisin ajıratıp kórsetiw múmkin; bir tárepten, ol júdá jawızlarsha insapsızlıq, ekinshi trepten, aqılǵa sıydırıw qıyın bolǵan keń kólemdi iyelep barmaqta. AQSh mámleket departamaentiniń maǵlıwmatlarına kóre, házirde dúnyada hár jılı 650 den artıq bunday hádiyseler júz bermekte. Bul degeni – hár kúni dúnyanıń ol yaki bul múyeshinde kimlerdidur qorqıwǵa salıw arqalı belgili maqsetlerge erisiwdi gózlegen, keminde eki qoparıwshılıq ámelge asırılmaqta. Qáwipli tárepi sonda olardıń sanı turaqlı ráwishte asıp barmaqta.
Ekspertlerdiń pikirinshe, dúnyada iskerlik kórestip atırǵan terrorshılıq shólkemleriniń júzden artıǵı eń zamanagóy qurallar menen jaqsı támiyinlengen iri sholkemlerden ibarat. Olar túrli qoparıwshılıqlardı islew processinde óz ara birge islesedi, maǵlıwmatlar almasadı, zárúr hallarda, bir birine áskeriy, finanslıq hám basqa formadaǵı járdemdi kórsetedi. Bunday shólkemlerdiń eń irileri qatarına «al-Qoida», «al-Jihod al-Islomiy», «at-Takfir val-Hijra», «Hizbulloh», «XAMAS», «Abu Sayyof», «Ozod Achex», «Lashkari jihod» hám «Qurolli islomiy harakat» sıyaqlılardı kiritiw múmkin. Aqırǵı jıllarda xalıqaralıq dárejede ámel qılıp atırǵan jáne bir islamıy shólkem – «Hizb at-tahrir al-islomiy» diń iskerligi tiykarlı ráwishte dúnyanıń túrli mámleketlerindegi terrorshılıqtı islegenlikte kórilmekte.
Máseleniń jáne bir tárepi sonda, diniy kiyimlerge oralǵan terrorshı shólkemlerdiń derlik kópshiligi muqaddes bolıp esaplanǵan islam dinin ózlerine nıqab etip alǵan. Dindi qural etip alǵan bunday ekstremistik háreketler búgin jámiyet ómirine qáwip tuwdırmaqta. Sonıń ushın, búgin, siyasatta «jámiyettiń diniy qáwipsizligi» degen jańa túsinik qáliplespekte.
Kegeyli rayonı ádillik bólimi
Yuridikalıq xızmet kórsetiw orayı baslıǵı J.Joldasov