Янгиликлар
22
Nızamshılıqtaǵı jańalıqlar
Nızamshılıqtaǵı jańalıqlar
«Kámbaǵallıqtan abadanlıqqa qaray» dástúrine muwapıq mayıplıǵı bolǵan shaxslardıń miynet etiw imkániyatın sheklewshi keri tásirlerdi saplastırıw, olardı kásip-ónerge úyretiw hám bántligine kómeklesiw arqalı jámiyettiń aktiv qatnasıwshısına aylandırıw maqsetinde Ózbekstan Respublikası Prezidentiniń 2025-jıl 08-may kúngi «Ózgeler kútimine mútáj shaxslarǵa sociallıq xızmetler kórsetiw kólemin keńeytiriw is-ilájleri haqqında»ǵı PQ-171 sanlı qararı qabıl etildi. Oǵan kóre:
2025-jıl 1-iyundan baslap ózgeler kútimine mútáj er jetken shaxslardı qollap-quwatlawǵa qaratılǵan «Aktiv ómirge qádem» dástúri eń jaydırıladı.
Dástúr sheńberinde tómendegi 5 túrdegi jańa sociallıq xızmetler kórsetiliwi jolǵa qoyıladı.
- úy shárayatında sociallıq-turmıslıq járdem kórsetiledi;
- úy sharayatında qarap turıw xızmeti;
- medicinalıq-socialllıq reabilitaciya xızmeti;
- kúndizgi qatnaw tiykarında qarap turıw xızmeti;
- jeke járdemshi xızmeti.
Dástúr sheńberinde jolǵa qoyılatuǵın sociallıq xızmetlerden paydalanıw qárejetleriniń bir bólegin vaucher tiykarında qaplap beriw sisteması eń jaydırıladı. Bunda:
a) vaucher bahası Sociallıq qorǵaw milliy agentligine usı maqsetler ushın ajıratılǵan qarjılar hám Sociallıq qorǵaw mámleketlik qorı esabınan Ministrler Kabineti tárepinen belgilengen muǵdarda subsidiya formasında tólenedi;
b) Dástúr sheńberinde jolǵa qoyılatuǵın sociallıq xızmetler Agentliktiń «Insán» sociallıq xızmetler orayıları hám sistema shólkemleri menen bir qatarda jeke tártiptegi isbilermenler, yuridik shaxslar yaki ózin-ózi bánt etken shaxslar tárepinen kórsetiledi;
v) vaucher beriw hám onıń bahasın tólew hámde sociallılıq xızmet kórsetiwshiler menen shártnamalar dúziw «Birden-bir milliy sociallıq qorǵaw» málimleme sistemasındaǵı «Oila hamkori» platforması arqalı ámelge asırıladı;
g) vaucher tómendegilerge beriledi:
- usı qarar 3-bántiniń «a»-«g» bántlerindegi sociallıq xızmetler ushın Kámbaǵal shańaraqlar reestri, Ózgeler kútimine mútáj bolǵan jalǵız jasawshı hámde jalǵız kekseler hám nágiranlıǵı bolǵan shaxslar reestrine kiritilgen yaki «Sociallıq qorǵaw birden-bir reestri» málimleme sisteması arqalı balalar napaqası hám materiallıq járdem alıwshı shaxs (shańaraq)larǵa;
- jeke járdemshi xızmeti ushın 1-topar mayıplıq belgilengen shaxsqa, kózi ázzilik boyınsha birlemshi mayıplıq belgilengen shaxsqa, birinshi márte mayıplıq kolyaskasınan paydalanıw belgilengen shaxsqa;
d) Agentlikke Dástúr sheńberinde tómendegi huqıqlar beriledi:
- 2027-jıl 1-yanvarǵa shekem sociallıq xızmet kórsetiwshilerdi tuwrıdan-tuwrı shártnama tiykarında qatnastırıw;
- individual sociallıq xızmetler rejesin dúziw hám onıń orınlanıwı monitoring etip barıw ushın qániygelerdi tuwrıdan-tuwrı shártnama tiykarında qatnastırıw.
Kegeyli rayonı Ádillik bólimi
Yuridikalıq xızmet kórsetiw orayı bas yuriskonsultı S.Bazarbaev