Янгиликлар
12
Avtomototransport quralın basqarıw huqıqın beretuǵın isenim xatın elektron formada rásmiylestiriw boyınsha mámleket xızmetin kórsetiw tártibi
Sońǵı jıllarda mámleketimizde avtomototransport qurallarınnan paydalanıwda xalıqqa qosımsha qolaylıqlar jaratıw, olar menen baylanıslı notarial háreketlerdi sanlastırıw boyınsha sistemalı jumıslar ámelge asırılıp atır.
Usınıń menen birge, avtomototransport quralın basqarıw huqıqın beriwshi isenim xatın rásmiylestiriw boyınsha gónergen tártip saqlanıp qalǵanlıǵı xalıqtıń artıqsha áweregershiligine sebep bolıp atır.
Ózbekstan Respublikası Ministrler Kabinetiniń 2023-jıl 20-noyabrdegi
613-sanlı qararı menen «Avtomototransport quralın basqarıw huqıqın beretuǵın isenim xatın elektron formada rásmiylestiriw boyınsha mámleketlik xızmetin kórsetiwdiń hákimshilik reglamenti tastıyıqlandı.
Oǵan kóre arza beriwshi mámleketlik xızmetinen paydalanıw ushın
birden-bir interaktiv mámleketlik xızmetler portalınan dizimnen ótedi hám de sorawnamanı elektron túrde ǵárezsiz toltıradı yamasa mámleketlik xızmetler orayına ózi barǵan halda arza beredi. Sorawnama arza beriwshi tárepinen tastıyıqlanıp, mámleketlik baji tolıq tólengeninen keyin avtomat túrde dizimge alıw ushın «Notarius» avtomatlastırılǵan maǵlıwmat sistemasına jiberiledi hám real waqıt rejiminde QR-kod (matrik shtrixlı kod ) qoyılǵan isenim xat qáliplestiriledi. Bunda isenim xatqa kirgiziletuǵın shaxslar sanına sheklew ornatılmaydi.
Ózbekstan Respublikası Bas prokuraturası janındaǵı Májburiy orınlaw byurosı maǵlıwmatlar bazası arqalı arza beriwshiniń qarızdarlıq jaǵdayı tekserilip, qarızdarlıq bar ekenligi anıqlanǵan jaǵdayda isenim xatın rásmiylestiriw biykar etiledi.
Isenim xat arza beriwshiniń qálewine kóre bir ay, altı ay hám úsh jıl múddetke shekem beriledi. Elektron formada QR-kod qoyılǵan halda rásmiylestirilgen isenim xat notarial tastıyıqlanǵan isenim xatı menen birdey yuridikalıq kúshke iye esaplanadı.
Isenim xat avtomototransport quralın satıw hám basqarıw wákilligin basqa shaxsqa ótkeriw huqıqına qarata ámel etilmeydi.
Nókis qalası ádillik bólimi
Mámleketlik xızmetler orayı
jetekshi qánigesi S.Mnajov