Янгиликлар
22
Neke-jámiyettiń eń kishkene buwını
Neke-jámiyettiń eń kishkene buwını
Neke-erkek hám hayaldıń ıqtıyarlı awqamı. Neke hám shańaraq bir-biri menen tıǵız baylanıslı, biraq neke Puqaralıq halatları aktlerin jazıw bólimlerinde nızamlı túrde dizimnen ótkerilip, neke guwalıǵı berilgen soń haqıyqiy esaplanadı. Shańaraq bul jámiyetlik túsinik bolıp ol er hám hayaldıń birge jasawı dáwirinde bekkemlenedi. Xalqımız arasında nızamlı nekeden ótpey turıp perzentli bolıp, perzentleriniń tuwılǵanlıǵın atalıqtı belgilew arqalı rásmiylestirip jasap atırǵan shańaraqlarda bar. Olar atalıqtı belgilep tuwılǵanlıq haqqında guwalıq berilgenligin nekemizdi avtomatik tárizde rásmiylestirip berdi degen nadurıs túsinikke iye. Atalıqtı belgilep tuwılǵanlıq haqqında guwalıq berilgende balanıń atalıǵı belgilenedi biraq ata-ananıń erli-zayıplılıq huqıqın payda etpeydi. Erli-zayıplılıq huqıqı tek ǵana neke nızamlı túrde rásmiylestirilgennen soń payda boladı. Sonıń ushın puqaralarımızdı nızamlı túrde jasawdı, perzentlerin nızamlı nekede dúnyaǵa keltiriwge shaqırıp qalamız.
Qońırat rayonı ádillik bólimi
PHAJ bólimi 1-dárejeli inspektori A.Allashukirova