Янгиликлар
12
Rásmiy hújjetlerge apostil qoyıw boyınsha mámleketlik xızmetler kórsetiw tártibi
Ózbekstan Respublikası Ministrler Kabinetiniń 2019-jılı 15-fevral kúngi Puqaralıq halatı aktlerin jazıw hám notarial organlar tarawında hám de rásmiy hújjetlerge apostil qoyıw boyınsha mámleketlik xızmetler kórsetiwdiń Hákimshilik Reglamentin tastıyıqlaw haqqında 134- sanlı qararı qabıl etilgen.
Reglament fizikalıq shaxslarģa notarial rásmiylestirilgen hujjetlerdiń dublikatları, notarial háreketlerdi dizimge alıw reeystr kitabınan kóshirme, arxiv hújjetlerden nusxalar, mal-múlkke qarata tıyım (xatlaw) bar yáki joqlıģı boyınsha maģlıwmatlar arxiv maģlıwmatlardı beriw boyınsha mámleketlik xızmetlerdi kórsetiw tártibin belgileydi
Mámleketlik xızmetler Mámleketlik xızmetler orayı yáki Ózbekstan Respublikası biden-bir interaktiv xızmetler portal arqalı Qaraqalpaqstan Respublikası Ádillik ministrligi, wálayatlar hám Tashkent qalası ádillik basqarmaları janındaģı notarial keńse arxivlari tárepinen kórsetiledi.
Arza beriwshiler maámleketlek xızmetlerden paydalanıw ushın mámleketlik xızmetler orayına kelgen halda múrajat etedi yáki elektron tárizde mámleketlik xımetlerden paydalanıw ushın Ózbekstan Respublikası birden-bir interaktiv xızmetler portal arqalı dizimnen ótedi
Mámleketlik xızmetler qánigesi arza beriwshı atınan Ózbekstan Respublikası birden-bir interaktiv xızmetler portal arqalı múrajat etkende bolsa arza beriwde mámleketlik xızmetler alıw ushın elektron formada ģárezsiz túrde platformada jaylastırılģan maģlıwmatlardan paydalanģan halda sorawnamanı toltıradı.
Sorawnamaģa pasport nusxası, isenim xat arqalı háreket etkende isenim xat nusxası
Marxum atınan ámelge asırılģan notarial háreketler haqqında gúwalıq hám arza beriwshinin marxumģa tuwısqanlıq dárejesin tastıyıqlawshı hújjetler
Arza beriwshi wásiyatnamaģa tiykar miyrasxor bolģanda wásiyatnama ham marxumnın ólimi haqqında gúwalıq nusxaları arza beriwshi isenimli wakil bolǵanda – onı tastıyıqlawshı hujjet nusxası usınıladı.
Arza beriwshi usınılģan hújjetler nusxaları Mámleketlik xızmetler orayı qánigesi tárepinen olardıń túp nusxaları alınıwı lazım
Arza beriwshi tárepinen Ózbekstan Respublikası birden-bir interaktiv xızmetler portal arqalı múrajat etkende hújjetlerdin túp nusxaları talap etilmeydi Bunda usı maģlıwmatlar notarial keńse arxivlari tárepinen soraw jiberiw ham mákemeler aralıq elektron integratsiya arqalı tekseriledi.
Sorawnamada isenimsiz maǵlıwmatlar kórsetilgenligi sonday-aq tiyisli hújjettiń tolıq usınılmaǵanlıģı mámleketlik xızmetlerdi biykar etiw ushın tiykar esaplanadi
Arza beriwshilar mámleketlik xızmetlerden paydalanıw ushın onı kórsetiwdiń hár qanday basqıshında bas tartıw huqıqına iye. Arza beriwshi mámleketlik xızmetlerden bas tartqanda onıń sorawnaması kórilmesten qaldırıladı.
Sorawnama túskennen soń wákillikli uyım tárepinen tómendegi múddetlerde arxiv hujjetlerin beriw yáki onı biykar etiw haqqında qarar qabıl etiledi.
Notarial rasmiylestirilgen hujjetlerdiń dublikatları sorawnama kelip túskennen soń 5 jumıs kúni ishinde bazalıq esaplaw muģdarının’ 5 payızı muģdarında;
notarial hareketlerdi dizimge alıw reeystr kitabınıń kóshirme sorawnama kelip túskennen son 2 jumıs kúni ishinde bazalıq esaplaw muģdarınıń 5 payızı muģdarında
Arxiv hujjetlerden nusxalar, mal-múlkke qarata tıyım (xatlaw) bar yáki joqlıģı boyınsha maģlıwmatlar kóshirme sorawnama kelip túskennen soń 2 jumıs kúni ishinde bazalıq esaplaw muģdarınıń 2 payızı muģdarında
Arxiv maģliwmatlardı sorawnama kelip túskennen soń 1 jumıs kúni ishinde bazalıq esaplaw muģdarınıń 1 payızı muģdarında tólem óndiriledi.
Nókis qalası ádillik bólimi
Mámleketlik xızmetler orayı
jetekshi qánigesi A.Alimbetova