Янгиликлар
12
Mobil-ID sisteması haqqında
Mámleketimizde sanlı texnologiyalar rawajlanǵan sayın hár bir tarawdı sanlastırıw hám elektron mámleketlik xızmetler sanı artıp barmaqta. Mámleketlik xizmetlerinen paydalanıwda jáne bir qolaylıq Mámleketlik xizmetlerinen paydalanıw ushın shaxstı identifikaciyalawdıń ámeldegi sistema hám qurallarına qosımsha túrde fizikalıq shaxstı identifikaciyalawdıń Mobil-ID sisteması engizildi. Mobil-ID sisteması “Elektron húkimet” sisteması paydalanıwshıların identifikaciyalaw boyınsha birden-bir málimleme sistemasınıń strukturalıq bólegi esaplanadı.
Abzallıq tárepi sonda, mobil-ID sisteması paydalanıwshıları elektron sanlı qoltańbanı qollamaǵan halda barlıq mámleketlik xızmetleridan paydalanıwı múmkin. Mámleketlik xızmetler orayları yamasa notarial keńse arqalı puqaralardı Mobil-ID sistemasına identifikaciya qılıw processinde tólem óndirilmeydi.
Mobil-ID sisteması járdeminde identifikaciyadan ótiw ushın puqara tárepinen tikkeley Oray yamasa notarial keńsege múrájat etilgende shaxstı tastıyıqlaytuǵın hújjettiń túp nusqası usınıs etiledi hám de Oray yamasa notarial keńse xızmetkeri tárepinen puqaranıń júzi sanlı formatda súwretke túsiriledi, elektron formada qol barmaǵı izi alınadı hám mobil telefon nomeri Birden-bir interaktiv mámleketlik xızmetler portalındaǵı (BIMXP) jeke kabinetke baylanısadı.
Mobil-ID sisteması járdeminde identifikaciyadan ótiw ushın puqara tárepinen BIMXP nıń mobil qosımshasınan paydalanılǵanda aralıqtan biometrik identifikaciyalaw (Face-ID) usılı yamasa ID-kartadaǵı elektron sanlı qol qollanıladı hám de mobil telefon nomeri BIMXP daǵı jeke kabinetke biypul jalǵanadı.
Puqaranıń BIMXP daǵı jeke kabinetine jiberiletuǵın barlıq xabarnamalar onıń qálewine kóre hám belgilengen tólemler tiykarında Mobil-ID sisteması arqalı identifikaciyalanǵan mobil telefon nomerine SMS-xabar formasında jiberiledi.
Nókis qalası ádillik bólimi Mámleketlik
xızmetler orayı jetekshi qánigesi A.Allabergenova