Янгиликлар
12
Ipoteka kreditine mámleketlik subsidiya alıwģa arza beriw mámleketlik xızmeti
Ipoteka kreditine Mámleketlik subsidiya alıwģa arza beriw mámleketlik xızmeti Ózbekstan Respublikası Ministrler Kabinetiniń 25.03.2020-jıldaģı 182-sanlı qararı menen «Turaq jay satıp alıw yamasa jeke tártiptegi turaq jaydı qurıw hám de rekonstruksiya qılıw ushın puqaralarģa subsidiya tólew tártibi haqqında»ģı qararı menen tártipke salınģan bolıp, subsidiya alıw ushın 18 jastan 60 jasqa shekemgi Ózbekstan Respublikası puqaraları (Eger puqara miynet migrantı bolıp sırt elde jumıs islep atırģan bolsa, onıń ornına shańaraq aģzaları) ózleri qálegen mámleketlik xızmetler orayları arqalı yáki my.gov.uz birden-bir interaktiv mámleketlik xızmetler portalı arqalı arza beriwleri múmkin. (Subsidiya bir shańaraqqa (shańaraq aģzalarınıń birewine) tek bir márte beriledi.
Arza beriw ushın mámleketlik xızmetler orayına múrájat etilgende puqara óziniń hám shańaraq aģzalarınıń shaxsın tastıyıqlawshı hújjetlerin (eger perzentleri 16 jasqa tolmaģan bolsa olardıń tuwılģanlıq haqqındaģı gúwalıqları) usınadı hám onıń atınan arzanı oray xızmetkeri toltırıp beriw tártibi belgilengen, biraq búgingi kúnde Respublika aymaģında subsidiya ushın ajratılģan limitler tawsılģanlıģı sebepli bul mámleketlik xızmetin kórsetiw waqıtsha toqtatılıp turģanlıģın málim etip bildiremiz.
Nókis rayoni ádillik bólimi
Mámleketlik xızmetler orayı
bas qánigesi D.Kutlimuratova.