Янгиликлар
12
Sport-bilimlendiriw mákemeleriniń trener-oqıtıwshıları ushın joqarı mamanlıq kategoriyasın alıw tártibi
Sport-bilimlendiriw mákemeleriniń trener-oqıtıwshıları ushın joqarı mamanlıq kategoriyasın alıw mámleketlik xızmetı Ózbekstan Respublikası Ministrler kabinetiniń 2020-jıl 3-marttaǵı 118-sanlı Qararı menen tártipke salınǵan bolıp, xızmetten paydalanıwshılar ózleri qálegen mámleketlik xızmetler oraylarına barǵan halda yaki my.gov.uz birden-bir interaktiv mámleketlik xızmetler portalı arqalı onlayn tárizde arza beriwleri múmkin.
Arza beriwshiler tómendegi hújjetlerdi usınadı:
Shaxsın tastıyıqlawshı hújjet;
Tayarlaǵan sportshısınıń tańlawlarda erisken nátiyjelerin tastıyıqlawshı hújjetler (tańlaw bayanlaması hám diplom nusqaları);
Sportshınıń trener-oqıtıwshıǵa biriktirilgenligin tastıyıqlawshı maǵlıwmatnama.
Xızmet kórsetiw múddeti 3 jumıs kúninen ibárat.
Arzanı kórip shıǵıw ushın bazalıq esaplaw muǵdarınıń 10% hám mamanlıq komissiyasın ótkeriw ushın bazalıq esaplaw muǵdarınıń bir esesi muǵdarında jıyım óndiriledi. (Eger arza onlayn tárizde berilse joqarıdaǵı summalardın 90 %ın tóleydi yaǵnıy 10% shegirme qollanıladı)
“Sociallıq qorǵaw birden-bir reestri” málimleme sistemasına dizimge alınǵan shaxslarǵa, sonıń menen birge, I hám II topar mayıplıǵı bolǵan shaxslarǵa belgilengen jıyımnıń 50 % muǵdarında shegirme qollanıladı.
Bunnan tısqarı “Ózbekstan Respublikasında xızmet kórsetken sport ustazı” yaki “Qaraqalpaqstan Respublikasında xızmet kórsetken sport ustazı” mártebesine, dene tárbiya hám sport tarawında ilimiy dárejege iye bolǵan shaxslar tólemnen azat etiledi.
Nókis rayonı ádillik bólimi
Mámleketlik xızmetler orayı
bas qánigesi A.Tatlımuratova