Янгиликлар
12
Puqaralarǵa mámleket esabınan yuridikalıq járdem kórsetiw tártibi.
Búgingi kúnde elimizde puqaralardıń nızamlı huqıqları menen máplerin sózsiz támiyinlewge, ádil sudlawǵa bolǵan isenimin arttırıwǵa bolǵan huqıqlarınıń kepilliklerin kúsheytiwge qaratılǵan sistemalı jumıslar ámelge asırılmaqta.
Atap aytqanda, "Mámleket esabınan yuridikalıq járdem kórsetiw haqqında"ǵı Nızam qabıl etilip, puqaralarǵa Ózbekstan Respublikası Konstituciyası menen kepillengen qánigeli yuridikalıq járdem alıw huqıqınan tolıq paydalanıw imkaniyatı jaratıldı. Sonıń menen birge, Ózbekstan Respublikasınıń ayırım nızam hújjetlerin "Mámleket esabınan yuridikalıq járdem kórsetiw haqqında"ǵı Nızamǵa muwapıqlastırıw zárúrligi júzege kelmekte.
Maǵlıwmat ushın, 2024-jıl 6-aprel kúni Oliy Majlis Senatınıń gezektegi jalpı májilisinde "Mámleket esabınan yuridikalıq járdem kórsetiw haqqında"ǵı Ózbekstan Respublikası Nızamı qabıllandı. Bul nızam menen mámleket esabınan yuridikalıq járdem kórsetiletuǵın isler dizimine puqaralıq, hákimshilik hám hákimshilik huqıqbuzarlıq haqqındaǵı islerdi kirgiziw arqalı puqaralardıń biypul yuridikalıq járdem alıw imkaniyatları keńeytilmekte. Mámleket esabınan yuridikalıq járdem kem támiyinlengen shaxslarǵa, hayal-qızlar hám er adamlardıń teń huqıqlılıǵı buzılǵan shaxslarǵa hám psixiatriyalıq járdem kórsetilip atırǵan shaxslarǵa kórsetiliwi belgilenbekte.
Usı Nızamǵa bola, mámleket esabınan yuridikalıq járdem kórsetetuǵın advokatlardı elektron tańlaw imkaniyatı jaratılmaqta. Bul advokatlardı jumısqa tartıw insan faktorısız "Yuridikalıq járdem" málimleme sisteması arqalı tosınnan tańlanadı. Puqaralarǵa biypul birlemshi yuridikalıq járdem kórsetiw sistemasın jolǵa qoyıw hám muwapıqlastırıp barıw maqsetinde Ádillik ministrligi tárepinen jumıslar ámelge asırılmaqta.
Ózbekstan Respublikası Prezidentiniń 24.05.2024-jıldaǵı "Hákimshilik reformalar sheńberinde ádillik uyımları hám mákemeleriniń juwapkershiligin bunnan bılay da arttırıw jáne ıqsham basqarıw sistemasın qáliplestiriw haqqında"ǵı PP-80-sanlı Pármanı menen ádillik uyımlarınıń qosımsha jumıs baǵdarları belgilendi. Máselen, 2024-jıl 1-iyulden baslap puqaralarǵa biypul birlemshi yuridikalıq járdem kórsetiwdiń tómendegi tártibi engizildi: Ádillik ministrligi tárepinen "Madad" MKSh menen birgelikte respublikanıń barlıq rayon hám qalalarındaǵı mámleketlik xızmetler oraylarında "Madad" MKShniń huqıqıy másláhát byuroları (keyingi orınlarda - huqıqıy másláhát byuroları) basqıshpa-basqısh shólkemlestiriledi, huqıqıy másláhát byuroları tárepinen xalıqqa biypul huqıqıy másláhátler beriledi, sonday-aq, kelispewshiliklerdi sudqa shekem hám sud arqalı sheshiwde zárúr bolatuǵın processual hújjetlerdi tayarlawda járdemlesedi.
Sonı atap ótiw kerek, mámleket esabınan yuridikalıq járdem alıw ushın fizikalıq tárepler eksterritoriallıq principi tiykarında ádillik bólimine awızeki, jazba yamasa elektron túrde múrájat etedi: elektron túrdegi múrájatlar Birden-bir identifikaciya sistemasınan (OneID) dizimnen ótken halda, "Yuridikalıq járdem" málimleme sisteması arqalı jiberiledi; awızeki hám jazba múrájatlar tiyisli ádillik bólimi tárepinen múrájat kelip túsken kúnnen keyingi jumıs kúninen keshiktirmey sistemaǵa kirgiziledi.
Shımbay rayonlı ádillik bólimi
Mámleketlik xızmetler orayı
aǵa qánigesi E.Rzaev