Янгиликлар
12
Xalıqaralıq sertifikat ushın imtixan qárejetleri óndirip berildi
Qaraqalpaqstan Respublikası Ádillik ministrligine Ózbekstan Respublikası Mektepke shekemgi hám mektep bilimlendiriwi ministrligi Qaraqalpaqstan Respublikası Pedagoglardıń sheberlik orayı tárepinen Ózbekstan Respublikası Prezidentiniń 2021-jıl 19-maydaǵı PQ-5117-sanlı Qararına tiykar “Teaching knowledge test (TKT)” xalıqaralıq sertifikatı ushın imtixan qárejetleri tólenbey atırılǵanlıǵınan narazı bolıp Qaraqalpaqstan Respublikası aymaǵındaǵı ulıwma orta bilim beriw shólkemlerinde jumıs islewshı 37 xızmetkerdıń múrájatları kelip tústi.
Úyreniw dawamında, Qaraqalpaqstan Respublikası Pedagoglardıń sheberlik orayına 37 xızmetkerler xalıqaralıq sertifikatı ushın imtixan qárejetlerin qaplap beriliwinde belgilengen tártipte múrájat etip, biraq usı kúnge shekem pul qarjıları qaplanıp berilmegenligi málim boldı.
Ózbekstan Respublikası Prezidentinıń “Ózbekstan Respublikasında shet tillerdi úyreniwdi ǵalaba en jaydırıw jumısın sapa jaǵınan jańa basqıshqa alıp shıǵıw ilajları haqqındaǵı 2021-jıl 19-maydaǵı PQ-5117-san Qararınıń 5-bántine tiykar ulıwma orta, orta arnawlı hám professional bilimlendiriw mákemeleriniń oqıtıwshılarınıń keminde C1 dárejedegi xalıqaralıq sertifikattı alıw ushın imtixan tapsırıwǵa baylanıslı qárejetleri Mámleketlik byudjetten pedagog kadrlardıń mamanlıǵın arttırıw ushın ajıratılatuǵın qarjılar, mámleketlik joqarı bilimlendiriw mákemelerdiń oqıtıwshılarınıń qárejetleri bolsa joqarı bilimlendiriw mákemelerdiń, kadrlardı qayta tayarlaw hám olardıń mamanlıǵın arttırıw boyınsha mámleketlik bililendiriw mákemeleriniń oqıtıwshılarınıń qárejetleri – kadrlardı qayta tayarlaw hám olardıń mamanlıǵın arttırıw boyınsha mámleketlik bilimlendiriw mákemelerdiń óz qarjıları esabınan qaplanatuǵınlıǵı belgilengen.
Ózbekstan Respublikası Joqarı bilimlendiriw, pán hám innovaciyalar ministrligi, Ózbekstan Respublikası Mektepke shekemgi hám mektep bilimlendiriwi ministrliginiń 29.05.2024-jıldaǵı 3515-sanlı qararına tiykar “Teaching knowledge test (TKT)” xalıqaralıq sertifikatı C1 dárejesine teńlestirilgen.
Xızmetkerlerdiń huqıqların qorǵaw maqsetinde Qaraqalpaqstan Respublikası Ádillik ministrliginiń “Insan huqıqların qorǵaw” sektorı tárepinen Qaraqalpaqstan Respublikası Pedagoglardıń sheberlik orayına orınlanıwı májbúriy bolǵan usınıs kiritildi.
Nátiyjede, orınlanıwı májbúriy bolǵan usınısqa tiykar “Teaching knowledge test (TKT)” xalıqaralıq sertifikatı ushın 37 xızmetkerge 99 900 000 swm muǵdarında imtixan qárejetleri qaplap beriliwi támiyinlendi.
Qaraqalpaqstan Respublikası
Ádillik ministrligi
sektor baslıǵı A.Moldaxmetov