Янгиликлар
26
Qaraqalpaqstan Respublikası Konstituciyası puqaralardıń ekonomikalıq hám sociallıq huqıqları, insan huqıqlarınıń hám erkinlikleriniń kepillikleri, puqaralardıń minnetleri.
Qaraqalpaqstan Respublikası Konstituciyası 1993-jılı 9-aprelde qabıl etilip bunda puqaralardıń ekonomikalıq hám sociallıq huqıqları, insan huqıqlarınıń hám erkinlikleriniń kepillikleri, puqaralardıń minnetleri belgilep όtilgen.
Konstituciyanıń 34-40-statyalarında puqaralardıń ekonomikalıq hám sociallıq huqıqları hár bir shaxs menshik huqıqına iye. Bank amanatlarınıń sır saqlanıwına hám miyras huqıqı nızam menen kepillenedi.
Hár bir shaxs miynet etiw, jumıstı erkin tańlap alıw, ádil miynet sharayatlarında islew hám nızamda kórsetilgen tártipte jumıssızlıqtan qorǵanıw huqıqına iye delingen.
Sudtıń húkimi menen tayınlanǵan jazanı ótew tártibinen yamasa nızamda kórsetilgen tártipten basqa jaǵdaylarda májbúriy miynet qadaǵan etiledi.
Jallanıp islewshi shaxslar haqı tólenetuǵın dem alıs huqıqına iye boladı. Jumıs waqtınıń, haqı tólenetuǵın miynet dem alısınıń múddeti nızam menen belgilenedi.
Hár kim qartayǵanda, miynet etiw uqıbınan ayırılǵanda, sonday-aq, baǵıwshısınan ayırılǵanda hám nızam menen názerde tutılǵan basqa da jaǵdaylarda sociallıq jaqtan támiyinleniw huqıqına iye.
Pensiyalar, napaqalar, sociallıq járdemniń basqa da túrleri rásmiy túrde belgilengen. jasaw zárúrliginiń eń kem muǵdarınan az bolıwı múmkin emes.
Hár bir shaxs qánigeli medicinalıq xızmetten paydalanıw huqıqına iye hám hár kim bilim alıw huqıqına iye. Biypul ulıwma bilim alıwǵa mámleket tárepinen kepillik beriledi. Mektep isi mámlekettiń baqlawında boladı.Hár bir shaxsqa ilimiy hám texnikalıq dóretiwshilik erkinligi, mádeniyattıń jetiskenliklerinen paydalanıw huqıqına kepillik beriledi hám Mámleket jámiyettiń mádeniy, ilimiy hám texnikalıq rawajlanıwına ǵamxorlıq etiw kerekligi atap όtilgen.
Konstituciyanıń 41-44-statyalarında insan huqıqlarınıń hám erkinlikleriniń kepillikleri mámleket puqaralardıń Konstituciya hám nızamlar menen belgilengen huqıqların jáne erkinliklerin támiyinleydi.
Hár bir shaxsqa óziniń huqıq hám erkinliklerin sud arqalı qorǵaw, mámleketlik uyımlardıń, lawazımlı shaxslardıń, jámiyetlik birlespelerdiń nızamsız háreketleri ústinen sudqa shaǵım etiw huqıqına kepillik beriledi.
Er jetpegenlerdiń, miynetke jaramsız hám jalǵız baslı qartayǵan shaxslardıń huqıqları mámleket tárepinen qorǵaladı hám hayal-qızlar hám er adamlar teńdey huqıqlarǵa iye ekenligi kόrsetip όtilgen.
Konstituciyanıń 45-50-statyalarında puqaralardıń minnetleri barlıq puqaralar ózlerine Konstituciyada belgilengen minnetlerdi atqaradı.
Puqaralar Konstituciya hám nızamlarǵa ámel etiwge, basqa shaxslardıń huqıqların, erkinliklerin, ar-namısın hám qádir-qımbatın húrmetlewge minnetli.
Puqaralar Qaraqalpaqstan xalqınıń tariyxıy, ruwxıy hám mádeniy miyrasların saqlawǵa minnetli. Mádeniyat estelikleri mámleket tárepinen qorǵaladı.
Puqaralar qorshap turǵan tábiyiy ortalıqqa itiyatlı qatnas jasawǵa minnetli.
Puqaralar nızam menen belgilengen salıqlardı hám jergilikli jıyımlardı tólewge minnetli.
Ózbekstan Respublikasın hám Qaraqalpaqstan Respublikasın qorǵaw Qaraqalpaqstan Respublikasınıń hár bir puqarasınıń minneti hám puqaralar nızamda belgilengen tártipte áskeriy yamasa alternativalı xızmetti ótewge minnetli ekenligi belgilep όtilgen.
Atap aytqanda puqaralardıń ekonomikalıq hám socialıq huqıqlarınan, insan huqıqlarınıń hám erkinlikleriniń kepilliklerinen hám puxaralardıń minletlerinen tolıq paydalanıw huqıqına iye.
Qaraόzek rayonı ádillik bόlimi
Yuuridikalıq xızmet kόrsetiw
orayı baslıǵı D.Amaniyazov