Янгиликлар
12
Insan huqıqları
Ótken jıllar dawamında, mámleketimizde insan huqıqların isenimli qorǵawǵa qaratılǵan keń kólemli reformalar sistemalı túrde ámelge asırılıp kelinbekte.
Ózbekstan Respublikası Konstituciyasında xalıq hákimiyatı principiniń zárúrli qaǵıydalarınan biri retinde insan, onıń turmısı, erkinligi, ar namısı, salawatı hám basqa qol qatılmas huqıqları joqarı qádiriyat esaplanıwı belgilengen.
Konstituciyalıq princip sheńberinde tiykarǵı Nızamımızdıń 7-9-baplarında insan hám puqaralardıń jeke, siyasiy, ekonomikalıq jáne social huqıq, erkinlikleri hám de olardıń kepillikleri belgilep berildi.
Usı Konstituciyalıq norma, óz mánisine kóre, puqaralardıń Konstituciyanıń 29-statyasında bekkemlengen hár kim ózi qálegen maǵlıwmatlardı izlew, alıw jáne onı tarqatıw huqıqı hám de 32-statyasında belgilengen jámiyet hám mámleketlik jumısların basqarıwda qatnasıw huqıqı menen tıǵız baylanıslı bolıp tabıladı.
Tiykarǵı Nızamımız 30-statyasında belgilengen puqaralardı olardıń huqıq hám erkinliklerine tiyisli bolǵan hújjetler, qararlar hám basqa materiallar menen tanısıp shıǵıwı ushın múmkinshilik jaratıp beriw minnetlemesi maǵlıwmat erkinligi kepilliklerinen biri bolıp, bul konstituciyalıq norma Ózbekstan Respublikasınıń onnan artıq nızam hújjetlerinde jáne de rawajlandırılǵan, onı támiyinlewge qaratılǵan qosımsha mexanizm hám tártipler belgilep berilgen.
Atap aytqanda “Informaciyalastırıw haqqında”ǵı Nızamnıń 14-statyasında tuwrıdan-tuwrı “Ózleri haqqındaǵı maǵlıwmatlardı ishine alǵan informaciya resurslarınan yuridikalıq hám fizikalıq shaxslardıń erkin paydalanıwına arnalǵan.
Oǵan kóre, yuridikalıq hám fizikalıq shaxslar ózleri haqqındaǵı maǵlıwmatlardı ishine alǵan informaciya resurslarınan erkin paydalanıw, usı maǵlıwmatlardıń tolıqlıǵı hám de durıslıǵın támiyinlew maqsetinde olarǵa anıqlıqlar kirgiziw huqıqına iye ekenligi belgilep qoyılǵan.
Ózbekstan Respublikasınıń “Málimleme alıw kepillikleri hám erkinligi haqqında”gı Nızamnıń 7-statyasında da mámleket shólkemleri, puqaralardıń ózin-ózi basqarıw uyımları, jámiyetlik birlespeler, kárxanalar, mákemeler, shólkemler hám lawazımlı shaxslarǵa tiyisli minnetlemeler júklengen.
Shomanay rayonı
ádillik bólimi bas másláhatshisi Sh.Shadıbekov