Янгиликлар
15
Ózbekstan Respublikası Prezidentiniń 2023 jıl 23 noyabr kúngi Allergiyalıq keselliklerdiń aldın alıw hám emlew sapasın asırıw ilajları haqqında PQ-371-sanlı Qararı haqqında
Ózbekstan Respublikası Prezidentiniń 2023 jil 23 noyabr kúngi Allergiyalıq keselliklerdiń aldın alıw hám emlew sapasın asırıw ilajları haqqındaǵı PQ-371-sanlı ararı qabıl etildi.
Mámleketimizde allergiyalıq keselliklerdi profilaktika qılıw, kesellikti anıqlaw, hám emlewdiń aldıńǵı usılların qollanıw boyınsha mánzilli ilajlar ámelge asırılıp atır. Sonıń menen birge, ıqlım ózgeriwi, global issılıq aqıbetinde máwsimniń uzayıwı, ekologiyalıq jaǵdaydıń jamanlasıwı hám basqa faktorlar tásirinde allergiyalıq keselliklerge shalınıw qáwipi artıp barıp atır.
Bul qarar menen Ózbekstan Respublikası Prezidentiniń den sawlıqtı saqlaw tarawı wákilleri menen “Medicinadaǵı reformalar - insan qádiri ushın” temasındaǵı ashıq sawbetlesiw sheńberinde belgilengen wazıypalar orınlanıwın támiyinlew, sonıń menen birge, xalıqqa kórsetilip atırǵan allergiyalıq hám immunologik medicinalıq xızmetler sapasın jaqsılaw, balalar hám úlkenler arasında allergiyalıq hám immunologik keselliklerdi erte basqıshlarda anıqlaw hám de zamanagóy emlew usılların ámeliyatqa qollanıw, bul keselliklerge shalınǵan nawqaslar ushın qolay shárt-shárayatlar jaratıw, olardı zárúr dári ónimleri menen támiyinlew, orınlarda molekulyar allergologiya hám klinikalıq immunologiya baǵdarındaǵı tekseriwlerdi jolǵa qoyıw, kadrlar potencialın asırıw boyınsha bir qansha wazıypalar belgilendi.
Atap aytqanda medicinanıń baslanǵısh buwınınan baslap allergiyalıq keselliklerdiń epidemiologiyalıq kórsetkishleri ústinen qadaǵalawdı kúsheytiw hám mánzilli skrining tekseriwlerin engiziw, mútajligi bar xalıq qatlamların zárúr dári ónimleri menen biypul támiyinlew sistemasın jolǵa qoyıw, balalar hám óspirimler, hámledarlar arasında allergiyalıq hám immunologik keselliklerdiń rawajlanıw sebeplerin erte anıqlaw hám olardı profilaktika qılıw hám orınlarda allergiyalıq keselliklerdi joqarı texnologiyalıq kesellikti anıqlaw hám emlew ámeliyatları túrlerin keńeytiw hám de molekulyar kesellikti anıqlaw usılların engiziw ham tarawdıń qánigeleriniń allergologiya hám klinikalıq immunologiya baǵdarında bilimlerin asırıw hám kónlikpelerin rawajlandırıw bolıp esaplanadı.
Allergiyalıq hám immunologik keselliklerdi erte anıqlaw hám de olardıń aldın alıw maqsetinde 2024-jıl 1-yanvardan baslap allergiyalıq hám immunologik keselliklerge shalınǵan “Sociallıq qorǵaw birden-bir reyestri”nde bolǵan nawqaslardı ingalatsion glyukokortikosteroid dári ónimleri menen biypul támiyinlew sisteması engizilip 2024-jıldan baslap Den sawlıqtı saqlaw ministrligine allergiyalıq kesellikler (sonday-aq máwsimlik allergiya) kórsetkishleri joqarı aymaqlarda jılına keminde bir ret ǵalabalıq hám selektiv skrining tekseriwlerin ótkeriw;
anıqlanǵan allergik hám ekilemshi immunitet jetispewshiligi kesellikleri ámeldegi nawqaslardı allergologlar tárepinen sistemalı gúzetiwi hám individual salamatlandırıw jumısların shólkemlestiriw;
aymaqlarda allergologiya hám klinikalıq immunologiya baǵdarında joqarı texnologiyalıq kesellikti anıqlaw hám emlew ámeliyatları túrlerin basqıshpa-basqısh 10 túrden 20 túrge shekem asırıw ;
Qaraqalpaqstan Respublikası Ministrler Keńesi, wálayatlar hám Tashkent qalası hákimlikleri menen birgelikte mútajlikke kóre Respublika ilimiy-qánigelestirilgen allergologiya orayınıń aymaqlıq bólimleri laboratoriyaların jergilikli byudjet qarjıları esabınan allergen reagentler menen tolıq támiyinlew ilajların kóriw wazıypaları tapsırıldı.
Bir sóz benen aytqanda bulardıń hámmesi insan qádiri ushın ámelge asırılıp atırǵan jumıslar bolıp tabıladı.
Qaraózek rayonı ádillik bólimi
Yuridikalıq xızmet kórsetiw orayı
bas yuriskonsultı A.Allamuratov