Янгиликлар
26
Jas óspirimlerdiń huqıq hám minnetleri
Jas óspirimlerdiń huqıq hám minnetleri
Ózbekstanda jas óspirimlerdiń huqıqların qorǵaw, olar tárepinen islenetuǵın huqıqbuzarlıqlardıń aldın alıw haqqındaǵı nızamlardıń qabıl etilgenligi balalardı sociallıq hám huqıqıy qorǵaw nátiyjeliligin arttırıw, jas áwladtı milliy hám ulıwma insanıylıq qádiriyatlar jáne Watanǵa muhabbat ruwxında tárbiyalaw baǵdarındaǵı áhmietli qádemlerden biri bolıp esaplanadı.
Mámleketimizde jas óspirimlerdiń huqıq hám erkinliklerin qorǵaw hám nızamlı máplerin támiyinlew mámleketlik siyasat dárejesine kóterilgenin aytıp ótiw kerek. Konstituciyamızdiń 44-statyası ekinshi abzacında, balalar miynetiniń balanıń densawlıǵına, qáwipsizligine, ádep-ikramlılıǵına, aqılıy hám fizikalıq rawajlanıwına qáwip salatuǵın, sonıń ishinde, onıń bilim alıwına tosqınlıq etetuǵın hár qanday túrleri qadaǵan etiledi; 77-statyasında Ata-analar hám olardıń ornın basıwshı shaxslar óz perzentlerin erjetkenge shekem baǵıwı, olardıń tárbiyası, bilim alıwı, salamat, tolıq hám hár tárepleme rawajlanıwı haqqında ǵamxorlıq etiwge májbúr; 78-statyasında balanıń huqıqları, erkinlikleri hám nızamlı máplerin támiyinlew hám qorǵaw, onıń fizikalıq, aqılıy hám mádeniy jaqtan tolıq rawajlanıwı ushın eń jaqsı sharayatlardı jaratıw mámlekettiń minnetlemesi bolıp esaplanadı.
Analıq, atalıq hám balalıq mámleket tárepinen qorǵaladı;79-statyasında mámleket jaslardıń jeke, siyasiy, ekonomikalıq, sociallıq, mádeniy, ekologiyalıq huqıqları qorǵalıwın támiyinleydi, olardıń jámietlik hám mámleketlik turmısta belsene qatnasıwın xoshametleydi.
Mámleket jaslardıń intellektuallıq, dóretiwshilik, fizikalıq hám ádep-ikramlılıq jaqtan qáliplesiwi jáne rawajlanıwı ushın, olardıń bilim alıwǵa, densawlıǵın saqlawǵa, turaq jayǵa, jumısqa jaylasıwǵa, bántlik hám dem alıwǵa bolǵan huqıqların ámelge asırıw ushın sharayatlar jaratadı.
Xojeli rayonı ádillik bólimi
Mámleketlik xızmetler orayı
aǵa qánigesi R.Aymuratova