Янгиликлар
27
Diniy ekstremizm hám terrorizmge qarsı gúresiw
Diniy ekstremizm hám terrorizmge qarsı gúresiw
Diniy ekstremizm hám terrorizmge qarsı gúresiw haqqında “ Ózbekstan terrorizm, ekstremizm hám radikalizm ideologiyasına qarsı gúres boyınsha bárháma principial poziciyaǵa iye bolıp kelgen. Bunday qáwip-qaterlerge qarsı tek kúsh isletiw usılları menen emes, bálkim birinshi náwbette, ásirese jaslar arasında, zorlawanlıqtı keltirip shıǵaratuǵın nadanlıqǵa qarsı bilim menen gúresiw kerek ” – degen edi húrmetli prezidentimiz Sh.M.Mirziyayev.
Búgingi kúnge kelip, diniy ekstremizm hám xalıq aralıq terrorizm degen túsiniklerge adamlar, kóbinese jaslarımız oǵan itibarsız bolıp qalıp atır. Ózbekstan mámleketi ǵárezsizliktiń dáslepki kúnlerinen aq óziniń dinge qatnasın anıq hám qatań belgilep aldı. Bas nızamımız Konstituciya hám de “hújdan erkinligi hám diniy shólkemler tuwrısında”ǵı nızamda óziniń huqıqıy ańlatpasın tapqan. Sońǵı jıllarda dúnyanıń qatar mámleketlerinde, túrli nızamǵa qarsı qurallı strukturalar tárepinen islamıy mámleket qurıw uranı astında insaniyatqa qarsı jınayatlar júz berip atır. Ásirese, “jihadchi” toparlar óz qatarına jańa shaxslardı qosıwda internet jáne social tarmaqlardan keń paydalanıp atır. Túrli internet saytları, “Odnoklasnik”, “Tvitter” sıyaqlı social saytlarda islengen túrli atlardaǵı forum hám toparlar, “You Tube” portalınan keń paydalanılıp atır. Olar tárepinen waqtın internette ótkeriwshi, waqtınsha jumıssız, shet elde pul tabıw úmitinde júrgen jáne social jaǵdaydan narazı shaxslardı óz saplarına qosıw maqsetinde olar menen sáwbetler júrgizediler. Sonı aytıw kerek, Ózbekstan qatar regionlıq shólkemler sheńberinde qabıl etilgen ekstremizm hám terrorizmga qarsı gúreske qaratılǵan shártnamalardı orınlawda aktiv qatnasıp kelip atır. Terrorizmga qarsı gúres, onı saplastırıw máselelerine tiyisli siyasiy-huqıqıy hújjetler BMSh, Ǵárezsiz Mámleketler Doslıq awqamı, Shanxay sheriklik shólkemi dóńgeleklerinde qol qoyǵan.
Ózbekstan Respublikası Jınayat kodeksiniń 244-2-statyasında diniy ekstremistik, separatistik, fundamentalistik yamasa basqa qadaǵan etilgen shólkemler dúziw, olarǵa basshılıq qılıw, olarda qatnasıw jınayatına bes jıldan on bes jılǵa shekem erkinen ayırıw jazası qollanıladı.
Sol háreketler:
a) awır aqıbetler kelip shıǵıwına sebep bolsa ;
b) er jetpegen shaxstı tartqan halda ámelge asırılǵan bolsa - on bes jıldan jigirma jılǵa shekem erkinen ayırıw jazası menen jazalanadı. Eger shaxs qadaǵan etilgen shólkemler bar ekenligi tuwrısında óz ıqtıyarı menen xabar etken hám jınayattı ashıwǵa járdem bergen bolsa, ol bul statyanıń birinshi bóliminde názerde tutılǵan jınayat ushın juwapkershilikten azat etiliwi kórsetilgen.
Xojeli rayonı ádillik bólimi
Yuridikalıq xızmet kórsetiw orayı
bas yuriskonsulti Sh.Pirnazarova