Янгиликлар
29
Materiallıq emes mádeniy miyraslar úlgilerin dizimge kiritiw yamasa onnan shıǵarıw menen baylanıslı mámleketlik xizmetlerin kórsetiw tártibi belgilendi.
Materiallıq emes mádeniy miyraslar úlgilerin dizimge kiritiw yamasa onnan shıǵarıw menen baylanıslı mámleketlik xizmetlerin kórsetiw tártibi belgilendi.
Húkimet qararı (256-sanlı, 24.04.2025j.) menen “Materiallıq emes mádeniy miyraslar úlgilerin dizimge kiritiw yamasa onnan shıǵarıw menen baylanıslı mámleketlik xizmetlerin kórsetiw”dıń hákimshilik reglamentı tastıyıqlandi.
Usı Reglament fizikalıq hám yuridikalıq shaxslarǵa Birden-bir interaktiv mámleketlik xızmetleri portalı (my.gov.uz) hám Mámleketlik xizmetler orayları arqalı Materiallıq emes mádeniy miyraslar úlgilerin Materiallıq emes mádeniy miyraslar úlgileriniń milliy hám jergilikli dizimlerine kirgiziw hám de olardan shıǵarıw, sonıń menen birge, olardıń bul dizimlerge kiritilgen yamasa kiritilmegenligi haqqında maǵlıwmatlar alıw menen baylanıslı mámleketlik xizmetlerin kórsetiw tártibin belgileydi.
Mádeniyat ministrligi janındaǵı Mádeniyattanıwshılıq hám materiallıq emes mádeniy miyraslar ilimiy-izertlew institutı bul tarawda wákillikli organ esaplanadı.
Hákimshilik reglamentke tiykar, Materiallıq emes mádeniy miyraslar úlgilerin:
milliy dizimge kirgiziw yamasa onnan shıǵarıw máselesi ilimiy-metodikalıq keńes tárepinen;
jergilikli dizimge kiritiw yamasa onnan shıǵarıw máselesi ekspertler toparı tárepinen kórip shıǵıladı.
Materiallıq emes mádeniy miyraslar úlgilerin Materiallıq emes mádeniy miyraslar úlgileriniń milliy hám jergilikli dizimlerine kiritiw yamasa olardan shıǵarıw, sonıń menen birge, olardıń bul dizimlerge kiritilgenligi yamasa kiritilmegenligi haqqında belgilengen formadaǵı maǵlıwmatnama beriledi.
Mámleketlik xızmetin kórsetilgenligi ushın tólem óndirilmeydi.
Taxtakópir rayonı ádillik bólimi Mámleketlik
xızmetler orayı mámleketlik dizimnen ótkeriw
hám ruxsat beriwshi hújjetlerdi rásmiylestiriw
boyınsha xızmetler kórsetiw bólim baslıǵı M.Allambergenov