Янгиликлар
10
“Avtomobil tariyxı” haqqında maǵlıwmatnama alıw tártibi
Húkimet qararı (106-san, 09.03.2022 j.) menen “Avtomobil- tariyxı” maǵlıwmatların usınıw boyınsha mámleketlik xızmetin kórsetiwdiń hákimshilik reglamenti tastıyıqlandı.
Qararǵa tiykar, 2022-jıl 1-maydan:
“Avtomobil- tariyxı” maǵlıwmatların shártnamalıq tiykarda MXO, BBIMXP (my.gov.uz) yamasa veb-saytlar hám olardıń qosımshaları arqalı anıqlaw boyınsha mámleketlik xızmeti jolǵa qóyıldı ;
avtotransporttı texnikalıq kórikten ótkeriw processinde avtotransporttıń basıp ótken aralıǵı haqqındaǵı maǵlıwmatlar, atap aytqanda, texnikalıq kórikten ótkeriwshi isbilermenler tárepinen de májburiy tártipte málimleme sistemasına kiritiledi.
“Avtomobil' tariyxı” maǵlıwmatları tómendegilerdi óz ishine aladı :
▫️avtotransporttıń agregat maǵlıwmatları ;
▫️basıp ótken aralıǵı ;
▫️shártnama dúzilgenligi boyınsha tiyisli maǵlıwmatlar (isenim xatı, ijára, sawǵa );
▫️jol-transport hádiysesi ámelge asırılǵanlıǵı;
▫️jol qaǵıydaların buzǵanlıq jaǵdayı ;
▫️girewge qoyılǵanlıq jaǵdayı ;
▫️sheklew bar ekenligi yamasa joq ekenligi;
▫️bajıxana rásmiylestiriwge tiyisli maǵlıwmat ;
▫️licenziya alınǵanlıq jaǵdayı (jolawshı tasıw ushın ).
Mámleketlik xızmetinen paydalanıw ushın sorawnama toltırıladı (MXO, BBIMXP, veb-sayt yamasa qosımsha arqalı).
Mámleketlik xızmeti ushın BEMnıń 10 payızı (27 mıń swm) muǵdarında jıyım óndiriledi.
Maǵlıwmatlar real waqıt rejiminde tayarlanadı hám arza beriwshige usınıs etiledi.
Málimleme shaxsqa tiyisli maǵlıwmatlar járiya etilmegen halda beriledi (avtotransport iyesi tárepinen óz “Avtomobil tariyxı”n biliw ushın jibergen sorawnamalar bunnan tısqarı ).
Málimleme maǵlıwmatnama ózgesheligine iye bolıp, keleshekte rásmiy háreketlerdi ámelge asırıw ushın tiykar bolmaydı.
Arza beriwshiler Ózbekstanda dizimnen ótken qálegen avtomobil haqqında maǵlıwmat alıwı múmkin.
Qaraqalpaqstan Respublikası
Ádillik ministrligi
sektor baslıǵı A.Ixlasov