Янгиликлар
10
Mayıplıq pensiyaları óz aldına múrájat talap etpesten proaktiv túrde tayınlanadı
Mayıplıq pensiyaları óz aldına múrájat talap etpesten proaktiv túrde tayınlanadı
"Mayıplıq pensiyaları hám kompensaciyaların tayınlawda proaktiv xızmetlerdi engiziw haqqında"ǵı Prezident qararı (PQ-194-sanlı, 27.05.2025 j.) qabıl etildi.
Qararǵa kóre, 2025-jıl 1-iyuldan puqaralarǵa mámleketlik pensiyalar hám kompensaciyalardı tayınlawdıń tómendegi ápiwayılastırılǵan tártibi engiziledi:
puqaralarǵa I yamasa II topar mayıplıǵı belgilengende pensiyalardı ayrıqsha múrájat talap etpesten proaktiv túrde tayınlaw. Onda puqaraǵa proaktiv túrde tayınlanǵan pensiyalardı biykarlaw huqıqı beriledi;
kóriw qábileti boyınsha I topar mayıplıǵı bolǵan shaxslarǵa hám yadro poligonları hám basqa da radiaciya-yadro obektlerinde áskeriy xızmetti ótegen shaxslarǵa kompensaciyalardı elektron maǵlıwmatlar almasıwı tiykarında proaktiv túrde tayınlaw;
mayıplıq pensiyası tayınlanǵanınan soń keminde 1 jıl jumıs stajına ie bolǵanda puqaranıń pensiya muǵdarın hár 2 jılda proaktiv túrde qayta esaplaw.
2025-jıl 1-oktyabrden mámleketlik pensiya támiynatına baylanıslı hám de AK "Xalıq banki" tárepinen pensiyalardı naq pul formasında tólew menen baylanıslı xızmetler puqaralardı biometrikalıq identifikaciyalaw (Face-ID) hám de olardıń qoltańbasın elektron formada alıw arqalı ámelge asırıladı.
Qaraqalpaqstan Respublikası
Ádillik ministrliginiń sektor baslıǵı A.Otarbaev