Янгиликлар
29
Konstituciyalıq reformalar
Konstituciyalıq reformalar
Hár bir mámleket rawajlanıp baradi eken, barlıq tarawlarda tereń reformalar ótkerip, xalqınıń jaqsı jasaw tárizin támiyinleydi hám bul jolda nızamlardı qabıl etiw, olarǵa ózgerisler kirgiziw hátteki tiykarǵı nızamǵa da ózgerisler kirgiziw tábiyiy jaǵıday hám zaman talabı esaplanadı. Usı talaplardan kelip shıǵıp, jańa redakciyadan elimiz konstituciyası qabıl etildi.
Jańa redakcyadaǵı Konstituciya aldınǵıǵa salıstırǵanda 65 payız teksti xalqımızdıń usınısları tiykarında janalanıp, 27 jana statyalar kirgizilip 128 statyadan 155 ke kóbeydi.
Konstituciyada jas awladqa tárbiya hám bilim beriw talaplarınada itibar qaratıp, baslanǵısh professional bilim beriw biypul ekenligi hám mámleket mektepke shekemgi bilim hám tárbiyanı rawajlandırıw ushın sharayatlar jaratatuǵınlıǵı belgilengen.
Haqıyqatında da, maman kadrlarǵa bolǵan talap mámlekettiń ekonomikalıq rawajlanıwına baylanıslı.
Reformalar Ózbekstannıń barlıq tálim sektorlarında olardı zamanagóy xalıq aralıq talaplarǵa juwap beretuǵın sapa tárepinen jańa basqıshqa kóteriw ushın tiykar jaratıldı.
Mámleketimizde oqıtıwdıń innovaciyalıq texnologiyalarına ótiw ushın zárúr shárt-shárayatlar jaratılıp, bul Ózbekstan Respublikası xalıq bilimlendiriw sistemasın 2030-jılǵa shekem rawajlandırıw koncepciyasında óz sáwleleniwin tapqan. Tórtinshi klastı test nátiyjeleri boyınsha pitkergen intalı balalar tańlap alınatuǵın prezident mektepleri sistemasın jaratıw bul barısında úlken áhmiyetke iye bolmaqta.
Bilim alıw huqıqı insannıń shaxs retinde rawajlanıwı ushın zárúr shárt bolǵan hám siyasiy, ekonomikalıq hám basqa social huqıqlar menen bekkem baylanıslı bolǵan insannıń eń zárúrli social huqıqlarınan biri bolıp tabıladı. Mámlekettiń belgili bir dárejesine hám jámiyet párawanlıǵına erisiwge járdem beredi.
Hár bir insan óziniń konstituciyalıq bilim alıw huqıqın ámelge asırıwı ushın kepillikler jaratıw bilimlendiriw tarawındaǵı mámleket siyasatınıń tiykarǵı wazıypalarınan biri bolıp tabıladı.
Ulıwma alǵanda, jańa redakcyadaǵı Konstitutsiya qabıl etilgeninen baslap mámleket rawajlanıw jolına ótti. Bul bolsa Ózbekstan ádalatlı, erkin hám párawan jámiyet qurıw jolında tuwrı joldan baratırǵanın, mámleket óziniń úlken joba hám maqsetlerin ámelge asırıw ushın barlıq zárúr resurs hám potencialǵa iye ekenin kórsetdi.
Qaraózek rayonı ádillik bólimi
Yuridikalıq xızmet kóretiw orayı bas yuriskonsultı T.Tleubayev