Янгиликлар
30
«Mobil-ID» mámleketlik xızmetin kórsetiw tártibinen xabardarsız ba?
«Mobil-ID» mámleketlik xızmetin kórsetiw tártibinen xabardarsız ba?
Mámleketimizde puqaralardıń huqıqların, mámleketlik uyımlardıń ashıq-aydınlıǵın támiyinlew baǵdarında alıp barılıp atırǵan maqsetli reformalar tiykarında insan hám onıń huqıqların qorǵaw, erkin demokratiyalıq mámleketti qáliplestiriwden ibarat bolıp, bul baǵdarda jáhán tájiriybesi hám insan huqıqları boyınsha milliy ózligimizden kelip shıǵıp bir qatar baǵdarlamalar ámelge asırılmaqta.
Mámleketlik xızmetler kórsetiwdi ápiwayılastırıw, byurokratiyalıq tosqınlıqlardı qısqartıw hám mámleketlik xızmetler kórsetiw milliy sistemasın rawajlandırıwdıń qosımsha ilajları haqqında Ózbekstan Respublikası Prezidentiniń 2022-jıl 20-apreldegi 113-sanlı Pármanı qabıl etildi.
Pármanǵa kóre, 2022-jıl 1-avgusttan:
• mámleketlik xızmetlerden paydalanıw ushın shaxstı identifikaciyalawdıń ámeldegi sistema hám qurallarına qosımsha túrde fizikalıq shaxstı identifikaciyalawdıń Mobil-ID sisteması engiziledi;
• Mobil-ID sisteması "Elektron húkimet" sisteması paydalanıwshıların identifikaciyalaw boyınsha birden-bir málimleme sistemasınıń quram bólegi esaplanadı hám shaxstı onıń mobil telefon nomeri arqalı identifikaciyalawdı názerde tutadı;
• shaxstı Mobil-ID sisteması járdeminde identifikaciyalaw Mámleketlik xızmetler orayı yamasa notarial uyım tárepinen yamasa Birden-bir interaktiv mámleketlik xızmetler portalı mobil qosımshası arqalı ámelge asırıladı;
• tikkeley Oraylar yamasa notarial uyım arqalı hám de Birden-bir interaktiv mámleketlik xızmetler portalı mobil qosımshası arqalı puqaralardı Mobil-ID sistemasına identifikaciyalaw xızmeti biypul ámelge asırıladı;
• Mobil-ID sisteması paydalanıwshılarına elektron sanlı qoltańba qollanbaǵan halda finanslıq xızmetlerden tısqarı barlıq mámleketlik xızmetlerden paydalanıw imkaniyatın jaratadı;
Qarardan gózlengen maqset "Puqaralar emes hújjetler háreketlenedi" principi tiykarında qaǵazpazlıqtıń aldın alıw puqaralardıń waqtın únemlew hám mámleketlik uyımlarǵa puqaralardıń isenimin jáne de arttırıw bolıp esaplanadı.
Qaraózek rayonı ádillik bólimi
Mámleketlik xızmetler orayı bólim baslıǵı A.Dosımbetov