Янгиликлар
28
Bala huqıqları kepillikleri
Bala huqıqları kepillikleri
Mámleketimizde bala huqıqlarınıń kepillikleri haqqında bir qatar normativ hújjetler qabıl etilgen bolıp, solardan 2008-jıl 7 yanvarda «Bala huqıqlarıń kepillikleri» haqqında 139-sanlı Ózbekstan Respublikası Nızamı qabıl etildi.
Nızamnıń maqseti tiykarınan bala huqıqlarınıń kepillikleri tarawındaǵı qatnasılardı tártipke salıwdan ibarat. Demek bala dep kimler túsiniledi?
Bala (balalar) – on segiz jasqa tolmaǵanǵa shekem (er jetkenge shekem) bolǵan shaxs (shaxslar) túsiniledi.
Jasaw huqıqı hár bir balanıń ajıralmas huqıqı bolıp esaplanadı. Bala ómirine qáwip tuwdırıw eń awır jınayat bolıp esaplanadı. Hár bir bala tuwılǵan waqıttan baslap familiya, at, atasınıń atın alıw, milleti hám puqaralıǵına iye bolıw huqıqına, sanday-aq olardı saqlap qalıw huqıqına iye bolıp esaplanadı.
Hár bir bala erkinlik, jeke qol qatılmaslıq, turaq jay qol qatılmaslıǵı hám xat xabarlardı sır tutıw huqıqına iye.
Balanıń nızamlı wákilleri – ata-analar, perzentlikke alıwshılar, ámengerler hám qáwenderler bolıp esaplanadı.
Ámengerlik hám qáwenderlik haqqında aytıp ótetuǵın bolsam – ata-ana qaramaǵınan ayrılǵan balalardı olarǵa támiynat, tárbiya hám de tálim beriw, sonday-aq olardıń huqıqları, erkinlikleri hám nızamlı máplerin qorǵaw maqsetinde jaylastırıwdıń huqıqıy forması bolıp esaplanadı. Ámenger on tórt jasqa tolmaǵanbalalarǵa qarata belgilenedi, al qáwender bolsa on tórt jastan on segiz jasqa deyin balalarǵa qarata belgilenedi.
Xojeli rayonı ádillik bólimi
Yuridikalıq xızmet kórsetiw orayı
bas yuriskonsulti Sh.Ataniyazova