Янгиликлар
03
Kámbaǵal shańaraqlar kategoriyalarǵa ajıratıladı
Kámbaǵal shańaraqlar kategoriyalarǵa ajıratıladı
"Kámbaǵal shańaraqlardı mámleket tárepinen sociallıq qollap-quwatlaw sistemasın bunnan bılay da jetilistiriw haqqında"ǵı Prezident Pármanı (PP-84-sanlı, 08.05.2025 j.) qabıl etildi.
Pármanǵa kóre, 2025-jıl 15-maydan Kámbaǵal shańaraqlar reestrine kirgizilgen hám usı reestrge túsiw qáwpi bolǵan shańaraqlar "qızıl", "sarı" hám "jasıl" kategoriyalarǵa bólinedi hám de sociallıq qollap-quwatlaw ilajları olardıń kategoriyasına qarap kórsetiledi.
"Qızıl" kategoriyaǵa - shańaraq aǵzalarınıń hár birine tuwra keletuǵın ortasha aylıq dáramatı minimal tutınıw qárejetlerinen kem bolǵan hám tómendegi kriteriyalardıń birine juwap beretuǵın shańaraqlar kirgiziledi:
▪️ aǵzalarınıń keminde 1 adamı densawlıǵınıń jaǵdayına kóre miynet etiw múmkinshiligine ie bolmaǵan;
▪️ kútimge mútáj aǵzası, sonıń ishinde, mayıplıǵı bar perzenti bolǵan;
▪️ ózgeler kútimine mútáj jalǵız jasawshı yamasa jalǵız kekseler yamasa jalǵız mayıplıǵı bolǵan shaxstan ibarat bolǵan;
"Sarı" kategoriyaǵa - shańaraq aǵzalarınıń hár birine tuwra keletuǵın ortasha aylıq dáramatı minimal tutınıw qárejetlerinen kem bolǵan həm aǵzaları densawlıǵınıń jaǵdayına kóre miynet etiw múmkinshiligine ie bolǵan shańaraqlar kirgiziledi.
"Jasıl" kategoriyaǵa - shańaraq aǵzalarınıń hár birine tuwra keletuǵın ortasha aylıq dáramatı minimal tutınıw qárejetleriniń 1 esesinen 1,5 esesine shekem bolǵan hám tómendegi kriteriyalardıń birine juwap beretuǵın shańaraqlar kirgiziledi:
▪️ shańaraq "qızıl" yamasa "sarı" kategoriyadan shıǵarılǵan bolsa;
▪️ shańaraqtıń Kámbaǵal shańaraqlar reestrine kirgiziliwi itimalı joqarı bolsa.
Qaraqalpaqstan Respublikası
Ádillik ministrligi sektor baslıǵı A.Otarbaev