Янгиликлар
30
“Avtomobil tariyxı” haqqında maǵlıwmatlar alıw boyınsha mámleketlik xızmeti.
“Avtomobil tariyxı” haqqında maǵlıwmatlar alıw boyınsha mámleketlik xızmeti.
Avtomobil tariyxı haqqında maǵlıwmatnama alıw boyınsha Ózbekstan Respublikası Ministrler Kabinetiniń 2023-jıl 20-noyabrdegi 612-sanlı qararı menen «Avtomobil tariyxı» maǵlıwmatların alıw boyınsha mámleketlik xızmetin kórsetiwdiń hákimshilik reglamenti tastıyıqlandı.
«Avtomobil tariyxı» maǵlıwmatların (MXO) Mámleketlik xızmetler orayları yamasa (BBIMXP) Birden-bir interaktiv mámleketlik xızmetler portalı (my.gov.uz) arqalı alıw boyınsha mámleketlik xızmeti jolǵa qoyıldı;
transport quralın texnikalıq kórikten ótkeriw processinde transport quralınıń basıp ótken aralıǵı haqqındaǵı maǵlıwmatlar, atap aytqanda texnikalıq kórikten ótkeriwshi isbilermenlik subektleri tárepinen de májburiy tártipte málimleme sistemasına kirgiziw jolǵa qoyıldı.
«Avtomobil tariyxı» tómendegi maǵlıwmatlardı óz ishine aladı:
• avtotransport quralı haqqında ulıwma maǵlıwmatlar;
• basıp ótken aralıǵı;
• shártnamalar dúzilgenligi (isenim xat, ijára, sawǵa shártnaması);
• jol-transport hádiysesine ushıraǵanlıǵı;
• júz bergen qaǵıyda buzarlıqlar;
• girewde ekenligi haqqında (bar bolsa);
• qadaǵan bar yamasa joqlıǵı;
• bajıxana rásmiylestiriwi haqqında;
• licenziya dárejesi (jolawshı tasıw boyınsha).
Mámleketlik xızmetinen paydalanıw ushın onlayn-sorawnama (MXO, BBIMXP) toldırıladı. Xızmet kórsetilgenligi ushın bazalıq esaplaw muǵdarınıń (BEM) 10% muǵdarında jıyım óndiriledi. Maǵlıwmatlar real waqıt rejiminde tayarlanadı hám arza beriwshige usınıs etiledi. Maǵlıwmatnama shaxsqa tiyisli maǵlıwmatlar járiyalanbaǵan halda usınıs etiledi (avtotransport quralı iesi tárepinen óziniń «Avtomobil tariyxı»n biliw ushın jibergen sorawnamalardan tısqarı).
Xojeli rayonı ádillik bólimi
Mámleketlik xızmetler orayı
bas qánigesi A.Bauatdinov