Янгиликлар
27
Naturaq kóshpes múlkti basqa shaxsqa ótkeriwdegi kompozit mámleketlik xızmeti engizildi
Naturaq kóshpes múlkti basqa shaxsqa ótkeriwdegi kompozit mámleketlik xızmeti engizildi
Ózbekstan Respublikası Ministrler Kabinetiniń 2024-jıl 29-noyabrdegi 795-sanlı qararı menen naturaq kóshpes múlkti basqa shaxsqa ótkeriwge baylanıslı shártnamalardı rásmiylestiriw hám oǵan bolǵan huqıqlardı mámleketlik dizimnen ótkeriw boyınsha kompozit mámleketlik xızmet kórsetiwdiń hákimshilik reglamenti tastıyıqlanǵan bolıp, bul hákimshilik reglament yuridikalıq tárepler arasında Naturaq kóshpes múlkti pútkilley basqa shaxsqa ótkeriwge baylanıslı eki tárepleme shártnamalardı rásmiylestiriw hám olarǵa bolǵan huqıqlardı mámleketlik dizimnen ótkeriw boyınsha mámleketlik xızmet kórsetiw tártibin belgileydi, naturaq kóshpes múlktiń sawǵa hám renta shártnamaları buǵan kirmeydi. Usı Reglament yuridikalıq tárepler tárepinen naturaq kóshpes múlkti basqa yuridikalıq tárepke ótkeriwge baylanıslı shártnamalardı óz-ara erkin túrde yamasa notarial tártipte tastıyıqlaǵan halda rásmiylestiriwge tosqınlıq etpeydi.
Mámleketlik xızmetti kórsetiw tártibine bola:
Mámleketlik xızmetler orayları - shártnama tárepleriniń shaxsın anıqlaydı hám shártnama olar tárepinen jeke ózi qol qoyılǵanlıǵın tastıyıqlaydı;
Ekonomika hám qarjı ministrligi janındaǵı Kadastr agentliginiń Mámleketlik kadastrlar palatası hám onıń aymaqlıq basqarmaları kóshpes múlkke bolǵan huqıqlardı mámleketlik dizimnen ótkeredi.
Yuridikalıq shaxslardıń basshıları yamasa olardıń wákilleri mámleketlik xızmetten paydalanıw ushın Orayǵa ózi kelip múrájat etedi. Bunda yuridikalıq shaxslardıń wákilleri tiykarǵı jumıs ornı boyınsha usı shólkemde jumıs islep atırǵan bolıwı kerek.
Mámleketlik xızmetten paydalanıw ushın shártnamada qatnasıwshı tárepler bir waqıttıń ózinde Orayda bolıwı talap etiledi. Arza beriwshilerdiń shaxsın tastıyıqlawshı hújjetleri talap etilmegen jaǵdayda olar Face-ID sisteması arqalı identifikaciyalanadı.
Arza beriwshiler Orayǵa tómendegi maǵlıwmat hám hújjetlerdi usınadı:
naturaq kóshpes múlk obektiniń kadastr nomeri, mánzili, atı;
yuridikalıq shaxstiń tolıq atı, STIRi, pochta mánzili, telefon nomeri, esap-kitap nomeri, bank atı, bank kodi MFO;
yuridikalıq shaxs basshısınıń (wákili) F.I.Sh., JShJIN;
yuridikalıq shaxstıń wákillikli basqarıw organınıń naturaq kóshpes múlkti satıw haqqındaǵı qararı (bayannaması);
yuridikalıq shaxstıń wákiline berilgen isenim xatı - yuridikalıq shaxstıń wákili múrájat etken jaǵdayda. Arza beriwshilerdiń F.I.Sh., JShJIN hám pasport (ID-karta) maǵlıwmatları Face-ID sisteması arqalı avtomatikalıq túrde anıqlanadı.
Oray arza beriwshiler atınan naturaq kóshpes múlkti basqa shaxsqa ótkeriw shártnamasın elektron tárizde toltıradı. Arza beriwshilerdiń shaxsı Face-ID sistemasınan identifikaciyalanǵanı shártnama olarǵa qol qoyılǵanın tastıyıqlaydı.
Shártnama rásmiylestirilgeni ushın bazalıq esaplaw muǵdarınıń 2 esesi muǵdarında jıyım óndiriledi. Oray shártnamanı rásmiylestirgennen soń kóshpes múlkke bolǵan huqıqlardı mámleketlik dizimnen ótkeriw ushın dizimnen ótkeriwshi uyımǵa 20 minut ishinde jiberedi.
Onda shártnama menen birgelikte QR-kod qoyılǵan Naturaq kóshpes múlkti tapsırıw hám qabıl etiw akti avtomatikalıq tárizde qáliplestirilip, dizimnen ótkeriwshi uyımǵa jiberiledi.
Arza beriwshilerdiń sorawına bola Oray QR-kod qoyılǵan Naturaq kóshpes múlkti basqa shaxsqa ótkeriw shártnamasın hám tapsırıw-qabıl etiw aktin elektron yamasa qaǵaz túrinde usınıwı múmkin.
Kóshpes múlkke bolǵan huqıqlar Ózbekstan Respublikasınıń "Kóshpes múlkke bolǵan huqıqlardı mámleketlik dizimnen ótkeriw haqqında"ǵı Nızamı hám Ózbekstan Respublikası Ministrler Kabinetiniń "Kadastr tarawında ayırım mámleketlik xızmetler kórsetiwdiń hákimshilik reglamentlerin tastıyıqlaw haqqında"ǵı 2020-jıl 2-sentyabrdegi 535-sanlı qararında belgilengen tártipte mámleketlik dizimnen ótkeriledi.
Shımbay rayonı ádillik bólimi
Mámleketlik xızmetler orayı bólim baslıǵı B. Bekniyazov