Янгиликлар
27
"Huqıqıy eksperiment sıpatında mámleketlik xızmetlerdi kórsetiw menen baylanıslı hákimshilik hújjetler boyınsha kelispewshiliklerdi sudqa shekem kórip shıǵıwdıń jańa tártibin engiziw haqqında"ǵı Prezident qararı (PQ-188-sanlı, 19.05.2025 j.) qabıl etildi.
"Huqıqıy eksperiment sıpatında mámleketlik xızmetlerdi kórsetiw menen baylanıslı hákimshilik hújjetler boyınsha kelispewshiliklerdi sudqa shekem kórip shıǵıwdıń jańa tártibin engiziw haqqında"ǵı Prezident qararı (PQ-188-sanlı, 19.05.2025 j.) qabıl etildi.
Qararǵa bola, mámleketlik xızmetlerdi kórsetiwdegi nızamshılıqqa muwapıq bolmaǵan hákimshilik hújjetlerin sudqa shekemgi basqıshta apellyaciya keńesleri tárepinen kórip shıǵıw tártibi engizilmekte.
Tómendegiler tastıyıqlandı:
Mámleketlik xızmetlerdi kórsetiw boyınsha hákimshilik hújjetlerdiń nızamshılıqqa muwapıqlıǵın sudqa shekem kórip shıǵıw tártibi haqqındaǵı waqıcha reje;
Ózbekstan Respublikası Ádillik ministrligi hám Tashkent qalalıq ádillik basqarması janındaǵı Apellyaciya keńesleriniń úlgi quramı.
Apellyaciya keńesleri Waqıcha rejede názerde tutılǵan 20 dan aslam mámleketlik xızmetler boyınsha qabıl etilgen hákimshilik hújjetlerdiń nızamshılıq hújjetlerine muwapıqlıǵın sudqa shekem kórip shıǵatuǵın yuridikalıq shaxs statusına ie bolmaǵan kollegial uyımlar esaplanadı.
Ádillik ministrligi hám Tashkent qalalıq ádillik basqarması tiyisliligine bola apellyaciya keńesleriniń jumısshı uyımları esaplanadı.
Apellyaciya keńesleri hákimshilik hújjetlerdi sudqa shekem kórip shıǵıw arqalı olardı partiyalıq yamasa tolıq biykarlaw, sonday-aq, hákimshilik hújjetlerge ózgeris kirgiziw boyınsha hákimshilik uyımǵa minnetleme júklew haqqında qararlar qabıl etiw wákilligine ie.
Apellyaciya keńesleri óz jumısın mámleketlik uyımlar, basqa shólkemler hám lawazımlı shaxslardan biyǵárez túrde ámelge asıradı.
Qaraqalpaqstan Respublikası Ádillik ministrliginiń
Rejelestiriw hám qadaǵalaw-tallaw sektorı baslıǵı I.Aldabergenov