Янгиликлар
27
Medicinanı basqarıw (menedjerlik) boyınsha sertifikatqa ie ayırım basshılarǵa ústemeler tólenedi
Medicinanı basqarıw (menedjerlik) boyınsha sertifikatqa ie ayırım basshılarǵa ústemeler tólenedi
Tájiriybe-sınaq joybarı sheńberinde rayon (qala) lıq densawlıqtı saqlaw bólimleri hám medicina mákemelerinde:
basshılar ushın medicinanı basqarıw (menedjerlik) boyınsha oqıw baǵdarlaması jolǵa qoyıladı;
oqıw baǵdarlaması juwmaǵı boyınsha sertifikatqa ie bolǵan basshılarǵa aylıq lawazım aylıǵınıń 100 procenti, basshı orınbasarına - 80 procenti hám bas miyirbiykege - 50 procenti muǵdarında ústeme tólenedi;
basshı xızmetkerler ushın jumıs nátiyjeliligi kórsetkishleri (KPI) belgilenedi hám aylıq lawazım miynet haqısınıń 100 procentine shekemgi muǵdarda ústeme engiziledi;
1 jıl dawamında jumıs nátiyjeliligi kórsetkishlerinde (KPI) unamlı (56 procentten joqarı) nátiyjelerge erispegen basshı xızmetkerler lawazımınan azat etiledi.
Tájiriybe-sınaq joybarı sheńberinde aymaqlıq dárejedegi medicina mákemeleri Densawlıqtı saqlaw ministrligi tárepinen belgilenetuǵın dizimge muwapıq shólkemlestiriwshilik, basqarıw hám finanslıq jaqtan birlestirilip kóp tarmaqlı emlewxanalarǵa aylandırıladı.
Qaraqalpaqstan Respublikası Ádillik
ministrligi bas másláhátshisi A.Gulimbetov