Янгиликлар
27
Rayon (qala) medicina birlespeleri negizinde rayon (qala) densawlıqtı saqlaw bólimleri shólkemlestiriledi.
Rayon (qala) medicina birlespeleri negizinde rayon (qala) densawlıqtı saqlaw bólimleri shólkemlestiriledi.
"Densawlıqtı saqlaw sistemasındaǵı reformalardı ámelge asırıwdıń qosımsha ilajları haqqında"ǵı Prezident qararı (PQ-185-sanlı, 19.05.2025-j.) qabıl etildi.
Qararǵa bola, 2025-jıl 1-iyulden 15 rayon (qala) larda, 2026-jıl 1-yanvardan Samarqand wálayatında tájiriybe-sınaq túrinde densawlıqtı saqlaw sistemasın shólkemlestiriwdiń jańa modelin (Tájiriybe-sınaq joybarı) engiziw sheńberinde densawlıqtı saqlaw sistemasın jetilistiriwdiń tiykarǵı maqsetleri etip tómendegiler belgilendi, sonıń ishinde:
birlemshi medicinalıq-sanitariyalıq járdem mákemeleriniń jumısın túp-tiykarınan qayta kórip shıǵıw arqalı shańaraqlıq poliklinikalarda kórsetiletuǵın medicinalıq xızmetlerdiń sapasın arttırıw;
medicina xızmetkerleriniń bilim hám mamanlıǵın arttırıw, olardıń miynetine múnásip haqı tólew sistemasın engiziw.
Tájiriybe-sınaq joybarın ámelge asırıw maqsetinde rayon (qala) lıq medicina birlespeleri negizinde rayon (qala) lıq densawlıqtı saqlaw bólimleri shólkemlestiriledi.
Tómendegiler rayon (qala) densawlıqtı saqlaw bólimleriniń tiykarǵı wazıypaları etip belgilendi, atap aytqanda:
kóp tarmaqlı oraylıq poliklinikalardı oraylıq emlewxanalardıń másláhát-diagnostika bólimlerine aylandırıw;
medicina xızmetkerleriniń jumısın tastıyıqlanǵan miynet nátiyjeliligi kórsetkishleri boyınsha qadaǵalaw hám de nátiyjeler tiykarında olardı xoshametlew.
Qaraqalpaqstan Respublikası Ádillik
ministrligi bas másláhátshisi A.Gulimbetov