Янгиликлар
27
Sociallıq qorǵaw birden-bir reestrindegi shańaraqlar ushın belgilengen jeńillikler Kámbaǵal shańaraqlar reestrindegi shańaraqlarǵa da qollanıladı
Sociallıq qorǵaw birden-bir reestrindegi shańaraqlar ushın belgilengen jeńillikler Kámbaǵal shańaraqlar reestrindegi shańaraqlarǵa da qollanıladı
2025-jıl 1-iyunnan baslap:
Sociallıq qorǵaw birden-bir reestrindegi shańaraqlar ushın nızamshılıqta belgilengen jeńillikler Kámbaǵal shańaraqlar reestrindegi shańaraqlarǵa da engiziledi, 2026-jıl 1-yanvardan bolsa tek ǵana Kámbaǵal shańaraqlar reestrine kirgizilgen shańaraqlarǵa kórsetiledi:
mámleketlik xızmetlerden paydalanıw ushın bajı, jıyım hám basqa tólemlerdi tólewde "sarı" kategoriyaǵa kirgizilgen shańaraqlarǵa 50 procent, "qızıl" kategoriyaǵa kirgizilgen shańaraqlarǵa bolsa 75 procent muǵdarında shegirmeler qollanıladı;
kámbaǵal shańaraqlar "qızıl" yamasa "sarı" kategoriyadan "jasıl" kategoriyaǵa ótkende olar ushın nızamshılıqta názerde tutılǵan mámleketlik sociallıq qollap-quwatlaw ilajları keyingi 12 ay múddetke saqlap qalınadı;
"qızıl" kategoriyaǵa kirgizilgen shańaraqlarǵa belgilengen passiv dáramat keltiretuǵın qollap-quwatlaw ilajları usınıladı.
Usı reestrge kirgizilgen shańaraqlar aǵzalarına sociallıq xızmet hám járdemler shańaraqlar kámbaǵal dep tán alınǵanı haqqındaǵı maǵlıwmatlar yamasa shaxstıń kámbaǵal dep tán alınǵan shańaraqtıń aǵzası ekenligi haqqındaǵı maǵlıwmatnama tiykarında kórsetiledi.
Qaraqalpaqstan Respublikası ádillik
ministrliginiń sektor baslıǵı N.Berdiniyazova