Янгиликлар
27
Májbúriy sanlı markirovkalaw sistemasınıń nátiyjeliligi arttırıladı.
Májbúriy sanlı markirovkalaw sistemasınıń nátiyjeliligi arttırıladı.
"Mújbúriy sanlı markirovkalaw sistemasınıń nátiyjeliligin arttırıwǵa qaratılǵan qosımsha ilajlar haqqında"ǵı Prezident qararı (PQ-190-sanlı, 23.05.2025-j.) qabıl etildi.
Qararǵa bola, sanlı markirovkalı ónimlerdiń háreketleniw shınjırın tolıq baqlap barıw arqalı jasırın islep shıǵarıw hám kontrafakt ónimler aylanısına shek qoyıw tiykarǵı maqset etip belgilendi.
Isbilermenler tárepinen alınǵan markirovka kodların ónimlerge qollanıw ushın belgilengen 90 kalendar kúnlik múddet biykar etiledi.
Markirovka kodları ónimge tikkeley qollanılǵannan keyin olar ushın tólem ámelge asırıladı.
Sonday-aq, sanlı markirovkalanǵan ónimlerdi agregataciyalawda qollanılatuǵın markirovka kodları Sanlı markirovkalaw hám baqlaw milliy málimleme sisteması operatorı (Operator) tárepinen biypul usınıladı.
Isbilermenlerdiń múrájatların jedel sheshiw maqsetinde Operator tárepinen kúni-túni isleytuǵın "Call-oray" jumısı jolǵa qoyıladı.
Qararǵa bola, 2025-jıl 1-iyulden:
import etiwshi shólkem tárepinen Ózbekstan aymaǵına alıp kirilgen dári-dármaqlardı olardıń kótere hám usaqlap satıwı menen shuǵıllanıwshı isbilermenlerge tikkeley yamasa onıń rásmiy dilerleri arqalı realizaciyalaw elektron esap-faktura tiykarında ámelge asırıladı;
sanlı markirovkalı ónimlerdi kótere satıw tek ǵana naq pulsız túrde bank esap betleri arqalı ámelge asırıladı.
Qaraqalpaqstan Respublikası ádillik
ministrliginiń sektor bas másláhátshisi B.Matjanova