Янгиликлар
27
Mayıplıǵı bolǵan shaxslardı jumısqa qabıl etken isbilermenlerge subsidiya ajıratıladı
Mayıplıǵı bolǵan shaxslardı jumısqa qabıl etken isbilermenlerge subsidiya ajıratıladı
"Mayıplıǵı bolǵan shaxslardıń bántligin támiyinlew sistemasın jetilistiriwge baylanıslı qosımsha ilajlar haqqında"ǵı Prezident Pármanı (PP-85-sanlı, 08.05.2025 j.) qabıl etildi.
Párman menen tiykarǵı maqsetler etip tómendegiler belgilendi:
mayıplıǵı bolǵan shaxslardıń nátiyjeli jumıs alıp barıwı ushın arnawlı xızmetler sistemasın engiziw;
mayıplıǵı bolǵan jaslardı zamanagóy kásiplerge oqıtıw, olardıń miynet bazarına kiriwi ushın qosımsha imkaniyatlar jaratıw;
2025-jıldıń aqırına shekem 80 mıń mayıplıǵı bolǵan shaxstıń turaqlı bántligin hám múnásip dáramat tabıwın támiyinlew.
2025-jıl 1-iyunnan baslap:
I hám II topar mayıplıǵı bolǵan shaxslardı jumısqa qabıl etken isbilermenlik subektlerine 50 million sumǵa shekem subsidiya ajıratıladı;
Subsidiya surdoawdarması, psixolog hám sheriklik xızmetin shólkemlestiriw qárejetlerin qaplaw ushın ajıratıladı;
Fizikalıq shaxslarǵa sheriklik xızmetin ózin-ózi bánt etken shaxs sıpatında kórsetiwge ruxsat beriledi.
Sonday-aq, "Birden-bir milliy sociallıq qorǵaw" málimleme sistemasında Miynetke jaramlı mayıplıǵı bolǵan shaxslardıń elektron reestri júrgiziledi.
Qaraqalpaqstan Respublikası ádillik ministrliginiń
sektor bas másláhátshisi B.Matjanova