Янгиликлар
26
“Avtomobil tariyxı” maǵlıwmatların usınıw boyınsha mámleket xızmetin kórsetiw
“Avtomobil tariyxı” maǵlıwmatların usınıw boyınsha mámleket xızmetin kórsetiw
Ózbekstan Respublikası Ministrler Kabinetiniń 2023-jıl 20-noyabrdegi «Mámleketlik xızmetlerin kórsetiwdi tártipke salıwshı normativ-huqıqıy hújjetlerin sistemalastırıw is-ilájları haqqındaǵı» 612-sanlı qararına muwapıq, fizikalıq hám yuridikalıq shaxslarǵa «Avtomobil tariyxı» maǵlıwmatların anıqlaw boyınsha mámleketlik xızmet jolǵa qoyıldı.
Mámleketlik xızmet Mámleketlik xızmetler orayları, Ózbekstan Respublikası birden-bir interaktiv mámleketlik xızmetler portalı, sonıń menen birge, veb-saytlar, olardıń qosımshaları arqalı Ádillik ministrligi tárepinen kórsetiledi.
«Avtomobil tariyxı» maǵlıwmatları avtotransport quralına tiyisli tómendegi maǵlıwmatlardı óz ishine aladı:
- avtotransport quralınıń agregat maǵlıwmatları, yaǵnıy mámleketlik nomeri belgisi, mámleketlik diziminen ótkerilgen sáne, markası, islep shıǵarılǵan jılı, túri, kuzov nomeri, tolıq salmaǵı, dvigatel nomeri hám quwatı, janılǵı túri, reńi, otırǵıshlar sanı, bólek belgileri yamasa ózgergen agregat maǵlıwmatları;
- avtotransporttıń basıp ótken aralıǵı;
- puqaralıq -huqıqıy shártnamalar dúzilgenligi tuwrısındaǵı maǵlıwmatlar, yaǵnıy isenim xatı, ijara, sawǵa, miyras, aldı-sattı shártnaması hám basqalar;
- avtotransport jol-transport hádiysesi ámelge asırılǵanlıǵı;
- avtotransport qatnasıwında ámelge asırılǵan qaǵıydabuzarlıqlar;
- avtotransporttıń girewde ekenligi haqqında;
– avtotransportqa qoyılǵan sheklew bar yamasa joq ekenligi;
- bajıxana rásmiylestiriwden ótken sáne haqqındaǵı maǵlıwmat;
– avtotransport jolawshı tasıw ushın licenziya alınǵanlıq haqqındaǵı maǵlıwmatlar.
Arza beriwshi tárepinen Ózbekstan Respublikasında dizimnen ótken qálegen «Avtomobil tariyxı» maǵlıwmatların alıwǵa jol qoyıladı.
Arza beriwshi mámleketlik xızmetinen paydalanıw ushın orayǵa ózi kelip yamasa mámleketlik xızmetlerinen elektron tárizde paydalanıw ushın birden-bir interaktiv mámleketlik xızmetler portalınan dizimnen ótedi.
Arza beriwshi ózi kelip murájat etkende, oray xızmetkeri arza beriwshi atınan sorawnama toltırılıp arza beriwshi tárepinen tastıyıqlanǵannan keyin barlıq hújjetler real waqıt rejiminde wákillikli organǵa elektron formada jiberiledi, al birden-bir interaktiv mámleketlik xızmetler portalı arqalı murájat etkende sorawnamanı elektron túrde ǵárezsiz toldıradı hám avtomatikalıq tárizde wákillikli organǵa jiberiledi.
Mámleketlik xızmetler oray arqalı kórsetilgende bazalıq esaplaw muǵdarınıń 10 payızı muǵdarında jıyım óndiriledi.
Sorawnamada nadurıs maǵlıwmatlar kórsetiliwi, sonıń menen birge, mámleketlik xızmetlerin kórsetiw ushın jıyım tólenbese mámleketlik xızmetin kórsetiwdi biykar etiw ushın tiykar boladı.
«Avtomobil tariyxı» maǵlıwmatları avtotransport quralınıń dizimnen ótkerilgen mámleketlik nomer belgisi, dizimnen ótkeriw haqqında gúwalıq seriyasi hám nomeri tiykarında usınıs etiledi.
Arza beriwshi mámleketlik xızmetinen paydalanıwdan bas tartqanda, onıń sorawnaması kórilmesten qaldırıladı hám bunda tólem qaytarılmaydı.
Wákillikli organ sorawnama túsken waqıttan baslap real waqıt rejiminde QR-matrik shtrixlı kod qoyılǵan «Avtomobil tariyxı» haqqındaǵı málimlemeni avtomatikalıq túrde rásmiylestiredi hám de onı tiyisli orayǵa yamasa arza beriwshige birden-bir interaktiv mámleketlik xızmetler portalı arqalı elektron túrde jiberedi. Oray xızmetkeri «Avtomobil tariyxı» haqqındaǵı málimleme túskeninen keyin real waqıt rejiminde onı arza beriwshiniń elektron manziline jiberedi hám arza beriwshini bul haqqında xabardar etedi. Arza beriwshi ózi kelip murájat etkende, arza beriwshiniń sorawına kóre «Avtomobil tariyxı» haqqındaǵı málimlemeni elektron formada beredi.
Shımbay rayonı ádillik bólimi
Mámleketlik xızmetler orayı bólim baslıǵı B.Tokumbetov