Янгиликлар
19
Nızamshılıqtaǵı jańalıqlar
Nızamshılıqtaǵı jańalıqlar
Ózbekistan Respublikası Ministrler Kábinetiniń 2025-jıl 28-aprel kúngi “Ulıwma orta bilim beriw tarawı xızmetkerleri arasında "Jıl oqıtıwshı" hám de "Kásiplik uqıp jetekshisi" tańlawların shólkemlestiriw hám ótkeriw ilajları haqqında”ǵı 264-sanlı qararı qabıl etildi.
“Jıl oqıtıwshısı” hám “Kásiplik uqıp jetekshisi” tańlawları 2026-jıldan baslap hár eki jılda bir márte ótkeriw belgilendi..
“Jıl oqıtıwshısı” tańlawın ótkeriwden maqset - jaslardı bárkámal shaxs etip tárbiyalawǵa múnásip úles qosıp atırǵan, oqıw-tárbiya prossecinde nátiyjeli jetiskenliklerge erisip atırǵan oqıtıwshılardı anıqlaw hám de olardıń miynetin múnásip xoshametlew bolıp esaplanadı.
Tańlaw úsh basqıshda ótkeriledi: birinshi basqıshda - tańlawdıń saralaw basqıshı baslanatuǵın jıldıń oktyabr-dekabr aylarında shólkemlestirilgen komitet tárepinen talabanlardıń qánigelik páni, pedagogikalıq uqıpı hám kásip standartı boyınsha teoriyalıq bilimleri bahalanadı; ekinshi basqıshda tańlaw jeńimpazları táǵdirlenetuǵın jıldıń yanvar-fevral aylarında talabanlardıń pedagogikalıq uqıpın bahalaw kriteryaları tiykarında tóreshiler komissiyası hám de pedagoglar tárepinen bahalanadı.
Bunda talaban ótken sabaqtıń video jazıwı bahalaw ushın arnawlı platformaǵa jaylastırıladı; úshinshi basqıshda - tańlaw jeńimpazları táǵdirlenetuǵın jıldıń aprel-may aylarında talabannıń ruwxıy-bilimlendiriw iskerligi hám de kıtapxanlıǵı prezentaciya tiykarında bahalanadı.
Tańlaw juwmaqlarına kóre jeńimpaz dep tabılǵan kandidatqa QR-kodlı sertifikat hám de Mektepge shekem hám mektep bilimlendiriw ministri fondınan qosımsha ajıratılǵan qarjılardı qayta bólistiriw esabınan BEM-nıń 1 400 esesine teń pul sıylıqı beriledi.
“Kásiplik uqıp jetekshisi” tańlawı Pedagogikalıq uqıp orayları direktorları arasında olardıń iskerligin qollap-quwatlaw hám xoshametlew, aldıńǵı tájiriybeni ǵalabalastırıw hám de jańa bilimlendiriw texnologiyaların anıqlaw maqsetinde ótkeriledi.
Tańlawda keminde eki jıl direktor lawazımında islegen basshılar qatnasıwı múmkin.
Isshi topar tárepinen iskerlik nátiyjeleri 4 jónelis boyınsha uyreniledi:
regionda bilimlendiriw iskerligin asırıw ;
Shólkemniń finanslıq turaqlılıǵın ;
bilimlendiriw processin zamanagóy usılda shólkemlestiriw;
Shólkemdi tájiriybeli kadrlar menen támiyinlew hám basqarıwdıń zamanagóy usılların engiziw.
“Kásiplik uqıp jetekshisi” tańlawı jeńimpazı da sertifikat tiykarında BEMnıń 1 400 esesi muǵdarında pul sıylıqı menen sıylıqlanadı.
Qarar 2025-jıl 29-aprel sánesinen baslap kúshke kirdi.
Shımbay rayonı ádillik bólimi
Yuridikalıq xızmet kórsetiw orayı
bas yuriskonsultı B.Bekimbetov