Янгиликлар
19
Mobil-ID sisteması
Mobil-ID sisteması
Mámleketlik xızmetlerden paydalanıw ushın shaxstı identifikaciyalawdıń ámeldegi sistema hám qurallarına qosımsha túrde fizikalıq shaxstı identifikaciyalawdıń Mobil-ID sisteması engizildi. Mobil-ID sisteması “Elektron húkimet” sisteması paydalanıwshıların identifikaciyalaw boyınsha birden-bir informaciya sistemasınıń strukturalıq bólegi esaplanadı.
Ábzallıq tárepi sonda, mobil-ID sisteması paydalanıwshıları elektron cifrlı qoltańbanı qollanbaǵan halda barlıq mámleketlik xızmetlerden paydalanıwı múmkin. Mámleketlik xızmetler orayları yamasa notarial mekeme arqalı puqaralardı Mobil-ID sistemasına identifikaciya qılıw processinde tólew óndirilmeydi.
Mobil-ID sisteması járdeminde identifikaciyadan ótiw ushın puqara tárepinen tikkeley Oray yamasa notarial mekemege múrájat etilgende shaxstı tastıyıqlaytuǵın hújjettiń túp nusqası usınıs etiledi hám de Oray yamasa notarial mekeme xızmetkeri tárepinen puqaranıń júzi cifrlı formatda suwretke túsiriledi, elektron formada qol barmaǵı izi alınadı hám mobil telefon nomeri Birden-bir interaktiv mámleketlik xızmetler portalındaǵı (BIMXP) jeke kabinetke baylanısadı.
Mobil-ID sisteması járdeminde identifikaciyadan ótiw ushın puqara tárepinen BIMXP nıń mobil qosımshasınan paydalanılǵanda aralıqtan biometrik identifikaciyalaw (Face-ID) usılı yamasa ID-kartadaǵı elektron cifrlı qol qollanıladı hám de mobil telefon nomeri BIMXP daǵı jeke kabinetke biypul jalǵanadı.
Puqaranıń BIMXP daǵı jeke kabinetine jiberiletuǵın barlıq xabarnamalar onıń qálewine kóre hám belgilengen tólewler tiykarında Mobil-ID sisteması arqalı identifikaciyalanǵan mobil telefon nomerine SMS-xabar formasında jiberiledi.
Kegeyli rayonı ádillik bólimi
Mámleketlik xızmetler orayı bas qánigesi T.Utegenov