Янгиликлар
19
Insan huqıqları
Insan huqıqları
Insan huqıqları - bul insannıń tuwılǵan waqıttan baslap qaytıs bolaman degenge shekem pútkil ómiri dawamında oǵan joldaslıq etetuǵın huqıq hám erkinlikleri bolıp tabıladı. Bul universal huqıqlar milleti, jınısı, etnik kelip shıǵıwı, reńi, dini, tili yamasa basqa huqıqıy statusınan qátiy názer, hesh qanday kemsitiwsilersiz barlıq ushın teń bolıp tabıladı. Insan huqıqları jasaw huqıqı sıyaqlı eń tiykarǵı huqıqlardan tartıp, múnásip turmıs tárizin támiyinlewge xızmet etetuǵın bilim alıw, miynet qılıw yamasa social támiynat alıw sıyaqlı huqıqlarına shekem barlıq huqıqlardı óz ishine aladı.
Insan huqıq hám erkinlikleri hár kimge tuwılǵanınan baslap tiyisli boladı. Insan huqıqları múnásip turmıs keshiriw hám insaniy potencialımızdı rawajlandırıwǵa múmkinshilik beriw ushın zárúr bolǵan barlıq insaniy pazıyletler ushın zárúrli bolıp tabıladı. Insan huqıqların támiyinlew qáweter, qorqıw yamasa kemsitiwsiz jámiyette jasaw ushın úlken áhmiyetke iye.
Ózbekstan Respublikasında barlıq puqaralar birdey huqıq hám erkinliklerge iye bolıp, jınısı, rasası, milleti, tili, dini, isenimi, sociallıq shıǵısı, jámiyettegi ornına qaramastan nızam aldında teń. Jeńillikler tek qana nızamǵa muwapıq belgilenedi hám sociallıq ádillik principlerine sáykes keliwi shárt.
Insannıń tiykarǵı huqıq hám erkinlikleri Ózbekstan Respublikası Konstituciyasiniń Ekinshi bóliminde aytılǵan. Jańadan qabıl etilgen Ózbekstan Respublikası Konstituciyasiniń ekinshi bólimi V-XI-baplarında insan huqıqları, puqaralıq, jeke huqıq hám erkinlikler, siyasiy huqıqlar, social, ekonomikalıq, mádeniy hám ekologiyalıq huqıqları, insan hám de puqaranıń huqıq hám erkinlikleri kepillikleri hám puqaralardıń minnetleri belgilep qoyılǵan.
Kegeyli rayonı ádillik bólimi
Mámleketlik xızmetler orayı jetekshi qánigesi J.Tulegenova