Янгиликлар
19
Joqarı tálimde alınǵan diplom dublikatın beriw tártibi belgilendi
Joqarı tálimde alınǵan diplom dublikatın beriw tártibi belgilendi
Húkimet qararı menen joqarı, orta arnawlı hám professional tálim haqqındaǵı hújjetlerdiń dublikatın beriw boyınsha mámleketlik xızmetlerin kórsetiwdiń hákimshilik reglamenti tastıyıqlandı.
Bilimlendiriw shólkemin tamamlaǵan, maǵlıwmatın tastıyıqlawshı hújjeti (diplom, sertifikat) joytılǵan yaki jaramsız halǵa kelgen, familiyası, atı, atasınıń atı ózgergende fizikalıq shaxslar hújjettiń dublikatın beriw ushın mámleketlik xızmetler orayları yaki Birden bir interaktiv mámleketlik xızmetler portalı (my.gov.uz) arqalı múrájaat etedi.
Dublikat túp nusqa menen birdey kúshke iye. Arza beriwshi Mámleketlik xızmetler oraylarına kelip múrájaat etkende oray qánigesi arza beriwshi atınan sorawnamanı elektron tárizde toltıradı.
Arza beriwshi sorawnamanı Birden bir interaktiv mámleketlik xızmetler portalı (my.gov.uz) arqalı toltırǵanda, onnan elektron sanlı imza talap etilmeydi. Mámleketlik xızmeti ushın bazalıq esaplaw muǵdarınıń bir esesi (375 mıń swm) muǵdarında jıyım óndiriledi.
Jıyımdı tólemew xızmet kórsetiwdi biykarlaw (rad) ushın tiykar esaplanadı. Sorawnamada nadurıs maǵlıwmatlar kórsetilse, olardı saplastırıw ushın arza beriwshige 5 jumıs kúnlik múddet beriledi.
Sorawnama túskennen baslap 10 jumıs kúninde hújjet dublikatı rásmiylestiriledi hám bul haqqında arza beriwshige xabar beriledi. Arza beriwshi tálim haqqındaǵı hújjet dublikatın wákillikli organnan alıp ketedi.
Arza beriwshiniń qálewine kóre, tálim haqqındaǵı hújjet dublikatı wákillikli organ tárepinen pochta xızmeti arqalı jiberiliwi múmkin. Bunda pochta ushın tólemlerdi arza beriwshi tóleydi.
Kegeyli rayonı ádillik bólimi
Mámleketlik xızmetler orayı bas qánigesi R.Nurullaeva