Янгиликлар
19
Mámleketlik xızmetlerden paydalanıwda hám tólemlerdi ámelge asırıwda kimler jeńillikke iye?
Mámleketlik xızmetlerden paydalanıwda hám tólemlerdi ámelge asırıwda kimler jeńillikke iye
Ózbekstan Respublikası Prezidentiniń 2021-jıl 24-iyul sánesindegi "Mámleketlik xızmetlerdi kórsetiw infrastrukturasın jetilistiriw hám xalıqtıń mámleketlik xızmetlerden paydalanıw imkaniyatların keńeytiw ilajları haqqında"ǵı PP-6269-sanlı Pármanına tiykarlanıp 2021-jıl 1-noyabrden baslap: "Birden-bir sociallıq reestr" maǵlıwmatlar bazasında dizimge alınǵan shaxslarǵa, sonday-aq, I hám II topar mayıplıǵı bolǵan shaxslarǵa mámleketlik xızmetleri orayları hám Birden-bir interaktiv mámleketlik xızmetler portalı (BIMXP) arqalı mámleketlik xızmetler kórsetiwde nızamshılıq hújjetlerinde belgilengen mámleketlik bajılar, jıyımlar hám basqa da hár qanday tólemler boyınsha 50 procent muǵdarında shegirme qollanıladı (isbilermenlik jumısı maqsetlerinde yamasa yuridikalıq shaxslardıń wákili sıpatında múrájat etken jaǵdaylardan tısqarı).
Bunnan tısqarı, Mámleketlik xızmetler orayları arqalı xızmet kórsetiw barısında sociallıq kútimge mútáj bolǵan shaxslar, pensioner hám mayıplıǵı bolǵan shaxslar jáne jas balaları bar hayal-qızlar mámleketlik xızmetten paydalanıwǵa gezeksiz tártipte xızmet kórsetiw jolǵa qoyılǵan.
Álbette, bulardıń barlıǵı insan qádir-qımbatı, ulıwma insanıylıq principlerin basshılıqqa alǵan halda xalqımızǵa múnásip xızmet kórsetiw olarǵa qolaylı sharayatlar jaratıw ushın engizilgen.
Shımbay rayonı ádillik bólimi
Mámleketlik xızmetler orayı aǵa qánigesi. A.Saparov