Янгиликлар
16
Korrupsiyaǵa qarsı gúresiw.
Korrupsiyaǵa qarsı gúresiw.
Ózbekstan Respublikasınıń 2017-jıl 3-yanvar kúni Korrupsiyaǵa qarsı gúresiw haqqındaǵı ÓRN-419-sanlı Nızamı qabıl etildi. Nızamnıń maqseti korrupciyaǵa qarsı gúresiw tarawındaǵı qatnasıqlardı tártipke salıw bolıp esaplanadı. Bunda, Korrupciyaǵa qarsı gúresiw haqqındaǵı nızamshılıq usı Nızam hám basqa da nızam hújjetlerinen ibarat bolıp, egerde ámeliyatta Ózbekstan Respublikasınıń xalıqaralıq shártnamasında, korrupciyaǵa qarsı gúresiw haqqındaǵı nızamshılıǵında názerde tutılǵanınan basqasha qaǵıydalar belgilengen bolsa, xalıqaralıq shártnama qaǵıydaları qollanıladı.
Sonday aq, usı Nızam menen tómendegi tiykarǵı túsinikler belgilep berilgen:
korrupciya - shaxstıń óz lawazım yamasa xızmet dárejesinen jeke mápleri yamasa basqa shaxslardıń mápleri jolında materiallıq yamasa materiallıq emes payda alıw maqsetinde nızamǵa qayshı túrde paydalanıwı, sonday-aq bunday paydanı nızamǵa qayshı túrde usınıw;
korrupciyaǵa baylanıslı huqıqbuzarlıq - korrupciya belgileri bolǵan, islengeni ushın nızamshılıqta juwapkershilik názerde tutılǵan qılmıs;
mápler soqlıǵısıwı - shaxstıń jeke (tuwrıdan-tuwrı yamasa tikkeley emes) mápdarlıǵı onıń óz lawazımlıq yamasa xızmet minnetlemelerin tiyisli dárejede orınlawına tásir kórsetip atırǵan yamasa tásir kórsetiwi múmkin bolǵan hám jeke mápdarlıq penen puqaralardıń, shólkemlerdiń, jámiettiń yamasa mámlekettiń huqıqları, nızamlı mápleri arasında qarama-qarsılıq júzege kelip atırǵan (bar mápdarlıq soqlıǵısıwı) yamasa júzege keliwi múmkin bolǵan (múmkin bolǵan mápdarlıq soqlıǵısıwı) jaǵday.
Bunnan tısqarı Nızamda Korrupciyaǵa qarsı gúresiw boyınsha jumıstı ámelge asırıwshı hám onda qatnasıwshı uyımlar hám shólkemler hám olardıń waziypaları anıq belgilengen.
Korrupciyaǵa qarsı gúresiw boyınsha jumıstı ámelge asırıwshı mámleketlik uyımlar qatarına Ózbekstan Respublikası Ádillik ministrligi kiritilgen bolıp, onıń wákillikleri tómendegilerden ibarat:
Ózbekstan Respublikası Ádillik ministrligi óz wákillikleri sheńberinde:
-korrupciyaǵa qarsı gúresiw tarawındaǵı mámleketlik hám basqa da baǵdarlamalardı islep shıǵıw;
-normativlik-huqıqıy hújjetlerdegi hámde olardıń joybarlarındaǵı korrupciya ushın sharayatlar jaratatuǵın qaǵıyda hám normalardı anıqlaw maqsetinde usı hújjetler hám joybarlardı tallawdı ámelge asıradı;
-korrupciyaǵa imkan berip atırǵan sebepler hám sharayatlardı saplastırıw boyınsha ilajlar kóredi;
-korrupciyaǵa qarsı gúresiw boyınsha jumıstı ámelge asırıwshı hám onda qatnasıwshı basqa da uyımlar hám shólkemler menen birge islesedi;
-korrupciyaǵa qarsı gúresiw tarawında xalıqaralıq birge islesiwdi ámelge asıradı.
Qaraqalpaqstan Respublikası Ádillik ministrligi nızam hújjetlerine muwapıq basqa da wákilliklerdi ámelge asırıwı múmkin.
Shımbay rayonı ádillik bólimi
bas másláhatshısı A.Dastenov.