Янгиликлар
08
Ishki bazarda báseki ortalıǵı rawajlandırıladı
Ishki bazarda báseki ortalıǵı rawajlandırıladı
Búgingi kúnde isbilermenlerdi qollap quwatlaw maqsetinde nızamshılıqta bir qansha hújjetler qabil etildi. Atap aytqanda 2025-jil 18-aprel kúni "Islep shıǵarıw, eksport hám isbilermenlik jumısın xoshametlew, sawda hám sanaat siyasatı nátiyjeliligin arttırıw ilajları haqqında"ǵı PP-67-sanlı Prezident Pármanı qabıl etildi.
Pármanǵa kóre, ishki bazarda báseki ortalıǵın rawajlandırıw tarawında tómendegiler belgilendi, atap aytqanda:
alıp kirilip atırǵan tovarlardıń bajıxana qunın anıqlaw tártibi 1994-jıldaǵı Tarifler hám sawda boyınsha General kelisim (GATT) hám 1994-jıldaǵı usı kelisimniń VII-statyasın qollanıw haqqındaǵı Kelisimde belgilengen ulıwma princip hám qaǵıydalarǵa tolıq muwapıqlastırıladı;
tovarlardıń bajıxana bahasın anıqlawda jeńillikler yamasa arnawlı bajıxana rásmiylestiriwi tártiplerin, sonıń ishinde, anıqlaw usılların qollanıwǵa jol qoyılmaydı.
Sonday-aq, qáwip dárejesi joqarı bolǵan ónimlerdi májbúriy mámleketlik dizimnen ótkeriw tártibi biykar etilip, olarǵa muwapıqlıq haqqındaǵı deklaraciya rásmiylestiriw tártibi engiziledi.
2025-jıl 1-maydan baslap muwapıqlıq deklaraciyasın sertifikatlastırıw uyımlarında dizimnen ótkeriw tártibi biykar etiledi hám de olardı qáliplestiriw hám esapqa alıw Texnikalıq tártipke salıw málimleme sisteması (TRIS) arqalı ámelge asırıladı.
Qaraqalpaqstan Respublikası
ádillik ministrligi sektor baslıǵı F.Seytimbetov